Politike

Deklaratat e Metës ndaj Dumanit/ Deputeti i PD-së: Të ndalen sulmet ndaj SPAK! Është e patolerueshme

Sipas deputetit demokrat, fakti që sulmet ndaj SPAK janë shtuar së fundmi, tregon se drejtësia e re po depërton tek ata që janë konsideruar të paprekshëm.

16 Prill 2024, 21:12 Nga r.ll
Deklaratat e Metës ndaj Dumanit/ Deputeti i PD-së: Të ndalen
spak

TIRANË- Deputeti i Partisë Demokratike, Dashnor Sula ka thënë se sulmet ndaj SPAK duhet të ndalen. Në një reagim në Facebook, ai thotë se SPAK dhe GJKKO për momentin gëzon përqindjen më të larte të besueshmërisë nga qytetarët.

Sipas deputetit demokrat, fakti që sulmet ndaj SPAK janë shtuar së fundmi, tregon se drejtësia e re po depërton tek ata që janë konsideruar të paprekshëm.

REAGIMI I PLOTË:

Sulmet ndaj SPAK duhet të ndalen! Në 2016, reforma në Drejtësi mori 140 votat e deputetëve. U duartrokit nga të gjithë. Me kalimin e viteve, drejtësia e re ka arritur të fitojë besimin e qytetarëve.

SPAK dhe GJKKO gëzon për momentin përqindjen më të larte të besueshmërisë nga qytetarët. Të gjithe jemi të vetëdijshëm se drejtësia e re mund të bëj më mirë. Por që drejtësia të bëj më mirë, duhet të ndalim një orë e më parë sulmet ndaj SPAK dhe drejtuesit të saj. Fakti që sulmet ndaj SPAK janë shtuar shumë së fundmi, tregon se drejtësia e re po depërton tek ata që janë konsideruar të paprekshëm.

Drejtësinë e reformuar ndaj e kërkuam në fakt: të depërtojë tek të “paprekshmit”. Por menjëherë sapo krijohet perceptimi se po kalohen hendeqet, javët e fundit kanë nisur sulme nga të gjitha anët ndaj SPAK. Kjo është e patolerushme. Kushdo që mendon se është i pafajshëm dhe s’ka abuzuar me pushtetin duhet të jetë i qetë të përballet.

dashnor sula spak

Sondazh

Poll

MË SHUMË