Politike

Hetimi për TIMS, Salianji: Koha faktoi se denoncimet e opozitës ishin të drejta! Po tentohet pengimi i funksionimit të Komisionit

Salianji i ftuar “Task Force” në Syri Tv tha se koha i ka dhënë të drejtë opozitës ndërsa Edi Rama deklaronte duke dhënë garanci se nuk kishte ndodhur asgjë.

16 Prill 2024, 19:02 Nga N.F
Hetimi për TIMS, Salianji: Koha faktoi se denoncimet e opozitës ishin
Salianji

TIRANË- Kreu i Komisionit Hetimor Parlamentar për TIMS, Ervin Salianji ka folur në lidhje me denoncimet e kryera nga opozita ndërsa shtoi se skandalet e denoncuara janë faktuar. Salianji i ftuar “Task Force” në Syri Tv tha se koha i ka dhënë të drejtë opozitës ndërsa Edi Rama deklaronte duke dhënë garanci se nuk kishte ndodhur asgjë.

“Ne po qëndrojmë në shinat kushtetuese lidhur me fuksionimin e Komisionit, por çdo mbështetje, që mund ti vijë komisionit nga partnerët ndërkombëtarë, është e mirëpritur”, tha Salianji.

Ai u shpreh se Komisioni do të ketë produkt, por po tentohet që të vonohet apo pengohet funksionimi.

"Kjo çështje ka të dhëna sensitive, kjo është një nga skandalet më të mëdha, pasi të ndërhysh në TIMS, ku ka të dhëna edhe nga operacionet policore, shkatërron sigurinë kombëtare të një vendi. Nëse këto të dhëna i ka çdo bandit që i përdor, apo edhe politika, atëherë kjo është shumë e rëndë", tha ai.

Salianji më tej shtoi se ai e ka faktuar që Policia e Shtetit ka sjellë të dhëna të falsifikuara nga TIMS për një person. 

salianji tims komisioni hetimor

Sondazh

Poll