Art&Argëtim

Refuzoi koncertin në Emiratet e Bashkuara Arabe, zbulohet shifra marramendëse që hodhi poshtë Taylor Swift

Artisti solo French Montana zbuloi se Swift tha 'jo' pa u menduar dy herë.

13 Prill 2024, 10:27 Nga S.B
Refuzoi koncertin në Emiratet e Bashkuara Arabe, zbulohet shifra
Taylor Swift

SHBA- Thuhet se disa mundësi vijnë vetëm një herë në jetë, por këngëtarja Taylor Swift nuk shqetësohet edhe nëse mundësitë ofrojnë 9 milionë dollarë. Këngëtarja refuzoi një koncert privat në Emiratet e Bashkuara Arabe dhjetorin e kaluar.

Artisti solo French Montana zbuloi se Swift tha 'jo' pa u menduar dy herë. Në fund të vitit 2023, reperi ndau në llogarinë e tij personale në Instagram një sërë mesazhesh duke ofruar 1 milion dollarë për vete dhe 9 milion dollarë të tjera për dikë tjetër për një shfaqje private në Emiratet e Bashkuara Arabe.

Paratë nuk janë aspak problem për krijuesen e 'Eras Tour'. Së fundmi, Forbes e ka përfshirë në listën e miliarderëve në vitin 2024. Kjo është hera e parë që një këngëtare përfshihet në këtë grup të përzgjedhur vetëm për punën e saj në skenë.

Revista e ka vlerësuar pasurinë e Taylor Swift në rreth 1.1 miliardë dollarë, kështu që oferta përfaqëson një shumë të vogël në krahasim me pasurinë e saj neto. Përveç kësaj, sipas revistës Forbes, Swift është bërë këngëtarja e parë që është bërë multimilionere vetëm në bazë të këngëve dhe performancave të saj.

taylor swift

Sondazh

Poll

MË SHUMË