Sport

Trabzonspor, 6 ndeshje me dyer të mbyllura, pas sherrit me Fenerbahçen!…

Një ndalesë pati edhe ndihmëstrajneri. Zemërimi i klubit ndaj Federatës së Futbollit: “Të gjithë të dorëhiqen!”

4 Prill 2024, 09:30 Nga DOSJA

Trabzonspor, 6 ndeshje me dyer të mbyllura, pas sherrit me

TURQI - Grusht i fortë ndaj Trabzonsporit për atë që ndodhi më 17 mars të kaluar, kur njëqind tifozë dolën në fushë në fund të ndeshjes për të sulmuar lojtarët e Fenerbahçes: klubi u ndëshkua për të luajtur me 6 javë me dyer të mbyllura dhe një gjobë prej rreth 87.000 euro.

Është pezulluar me një ndeshje edhe ndihmëstrajneri Egemen Korkmaz. Doli më mirë për disa lojtarë të Fenerbahçes të përfshirë në konflikt: İrfan Can Eğribayat dhe Jayden Oosterwolde, u ndëshkuan me nga një ndeshje secili.

Asnjë sanksion nuk pati për Michy Batshuayi dhe Bright Osayi-Samuel, të cilët ranë në kontakt me tifozët kundërshtarë.  Trabzonspor nuk pranoi ndëshkimin dhe me sa duket do të apelojë: "Drejtësia juaj e ndyrë! Ngrihuni nga vendet tuaja dhe jepni dorëheqjen,"- thuhej në postimin e tyre helmues në Twitter.

Pas ngjarjeve fatkeqe, policia lokale arrestoi 12 persona. Tifozët e Trabzonspor pushtuan fushën, ndërsa lojtarët e Fenerbahçes festuan fitoren e tyre 3-2. Disa lojtarë të ftuar iu përgjigjën tifozëve, të cilët i goditën me shqelma dhe grushta, me videon që u bë menjëherë virale.

Mbrojtësi Bright Asayi-Samuel zbatoi një grep djathtas që rrëzoi një pushtues në tokë, ndërsa sulmuesi belg Michy Batshuayi goditi një tjetër tifoz me një goditje të lartë rrotulluese.

B.T (Dosja.al)

Sondazh

Poll

MË SHUMË