Aktualitet

Arrestohet një i shpallur në kërkim dhe procedohen në gjendje të lirë dy të tjerë në Fier për vepra penale të ndryshme

Bëhet me dije se 33-vjeçari me inicialet A.Z ka kryer veprat penale "Heqja e paligjshme e lirisë" dhe "Prodhimi dhe shitja pa leje e armëve të ftohta".

26 Mars 2024, 13:50 Nga S.B
Arrestohet një i shpallur në kërkim dhe procedohen në
foto ilustruese

FIER- Arrestohet një i shpallur në kërkim dhe procedohen në gjendje të lirë dy persona në Fier. Mësohet se një 33-vjeçar i shpallur në kërkim është arrestuar në flagrancë, pasi i është caktuar masa arrest me burg nga Gjykata e Fierit. Bëhet me dije se 33-vjeçari me inicialet A.Z ka kryer veprat penale "Heqja e paligjshme e lirisë" dhe "Prodhimi dhe shitja pa leje e armëve të ftohta".

Dy persona të tjerë janë proceduar në gjendje të lirë pasi kanë kryer veprat penale si kanosja apo thyerja e xhamave të një shkolle 9-vjeçare. Me rastet e mësipërme do të merret Prokuroria e Fierit.

Njoftimi i policisë: 

DVP Fier/Ndalohet 1 shtetas i shpallur në kërkim dhe procedohen në gjendje të lirë 2 shtetas të tjerë, për vepra penale të ndryshme.

-Specialistët për Hetimin e Krimeve të Komisariatit të Policisë Fier ndaluan shtetasin e shpallur në kërkim A. Z., 33 vjeç, banues në fshatin Lapulec, pasi Gjykata e Fierit i ka caktuar masën e sigurisë "Arrest në burg", për veprat penale "Heqja e paligjshme e lirisë" dhe "Prodhimi, mbajtja, blerja apo shitja pa leje e armëve të ftohta".

-Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për shtetasen L. K., 51 vjeçe, banuese në fshatin Fiershegan, pasi dyshohet se për motive pronësie, ka kanosur një 63-vjeçar.

-Specialistët për Hetimin e Krimeve të Komisariatit të Policisë Mallakastër referuan materialet në Prokurori, ku nisi procedimi në gjendje të lirë për shtetasin E. J., 36 vjeç, banues në fshatin Ninësht, pasi dyshohet se ka thyer xhamat e shkollës 9-vjeçare të fshatit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

fier vepra penale

Sondazh

Poll