Sport

A mund të dëmtojë skandali i Federatës kandidaturën e Spanjës për Kupën e Botës 2030? Ja përgjigja e ‘ambasadorit’ Figo…

Njësia qendrore operative e Guardia Civil kontrolloi selinë e Federatës Spanjole të Futbollit dhe gjithashtu shtëpinë e Rubiales, ish-presidentit të federatës.

24 Mars 2024, 15:48 Nga DOSJA
A mund të dëmtojë skandali i Federatës kandidaturën e

SPANJE - Luís Figo, ish-ndërkombëtari portugez, shpreson që skandali në të cilin është përfshirë Federata Spanjole e Futbollit (RFEF), ku njësia qendrore operative e Guardia Civile kontrolloi selinë e organizatës dhe gjithashtu shtëpinë e Rubiales, nuk do ta dëmtojë kandidaturën e Spanjës për Kupën e Botës 2030, në të cilën janë përfshirë edhe Portugalia dhe Maroku.

 “Shpresoj që jo, sepse ne ishim në Lisbonë të hënën për të paraqitur kandidaturën. Ne i dimë të gjitha lajmet, por ato janë lokale. Është ende negative. Le të shpresojmë që pas një ose dy javësh gjërat do të qetësohen”,- tha ai duke folur për ‘Radio Marca’.

Ish-futbollisti i shquar Luís Figo, duhet theksuar, është një nga ambasadorët e Portugalisë, Spanjës dhe Marokut për Botërorin 2030.

B.T (Dosja.al)

Sondazh

Poll

MË SHUMË