Sport

“Shkova te Barça për hir të dashurisë së një gruaje, duhet të kisha qëndruar te Arsenal”

Emmanuel Petit, i cili tashmë është ndarë nga aktorja Agathe de la Fontaine, pranon se në vitin 2000 "nuk duhej të ishte larguar" nga “Topçinjtë”.

24 Mars 2024, 14:31 Nga DOSJA
“Shkova te Barça për hir të dashurisë së
Gruaja e atëhershme e Emmanuel Petit, Agathe de la Fontaine

SPANJE - Emmanuel Petit (53) lë tituj të mëdhenj sa herë që flet. Ish-ndërkombëtari francez i FC Barcelonas, ​​i cili kaloi vetëm një sezon në “Camp Nou” (2000-01), nuk ka lënë ndjenja shumë të mira.

Tani duket se mbrojtësi nuk është shumë i kënaqur me vendimin e tij për t'u larguar nga Arsenali. Ai pranon se e ka bërë këtë nga dashuria për aktoren Agathe de la Fontaine dhe se tani është penduar. 

Duke parë prapa, Petit deklaroi në podcastin 'Stadium Astro' se "nëse do të mund të kthehesha pas në kohë, me siguri do të zgjidhja një opsion tjetër. Gjithmonë i kam parë Barcelonën dhe Madridin ndër klubet më të mëdha në botë, por duhet të kisha qëndruar te Arsenal,"- shprehet tani ai.

Në fund, Emmanuel Petit qëndroi vetëm një sezon në klubin e Barçës dhe më pas u transferua te Chelsea, ku kaloi vitet e fundit të karrierës së tij.

"Ndonjëherë bari nuk është më i gjelbër në vende të tjera dhe është më mirë të rrish aty ku je. Kur ke gjithçka, pse të largohesh?"- përfundoi ish-futbollisti.

B.T (Dosja.al)

Sondazh

Poll

MË SHUMË