Sport

E FUNDIT/ Andres Iniesta pagoi borxhin ndaj autoriteteve tatimore në Japoni…

Ish-ndërkombëtari spanjol Andres Iniesta, i cili nuk kishte deklaruar një pjesë të të ardhurave të tij në japoni, ka paguar shtesën, që arrin në rreth 3.5 milionë euro.

24 Mars 2024, 13:33 Nga DOSJA

E FUNDIT/ Andres Iniesta pagoi borxhin ndaj autoriteteve tatimore në

JAPONI - Ish-mesfushori spanjol, Andres Iniesta, pasi nuk kishte deklaruar një pjesë të të ardhurave të tij në Japoni, pagoi shtesën e taksave vendase në shumën rreth 3.5 milionë euro, për të cilat ai kishte deklaruar këto të ardhura ishin paguar në Spanjë, sipas AFP.

“Gjatë vitit financiar 2018, unë deklarova të ardhurat e mia nga e gjithë bota tek autoritetet tatimore në Spanjë”,- tha Iniesta në një deklaratë të publikuar nga kompania e tij e menaxhimit, një kopje të së cilës AFP mori të dielën.

Konfuzion është krijuar rreth statusit të rezidencës

“Autoritetet tatimore japoneze filluan një hetim për statusin tim të rezidencës sipas rregullave tatimore dhe arritën në përfundimin se unë isha rezident (në Japoni) për një pjesë të vitit 2018. Prandaj, të ardhurat nga ajo periudhë i nënshtrohen tatimit të dyfishtë,”- tha ish-lojtari i Barcelonës, duke shtuar se kishte kërkuar që tatimi i tepërt të rimbursohej në bazë të marrëveshjes së tatimit të dyfishtë të lidhur mes dy vendeve.

Kampioni i botës i vitit 2010, i cili kaloi pesë vjet me klubin japonez Vissel Kobe deri në vitin 2023, u akuzua për dështimin për të deklaruar rreth 860 milionë jen (5.25 milionë euro) të ardhura për vitin 2018, sipas transmetuesit publik NHK dhe mediave të tjera.

Nëse kontrata e një lojtari të huaj është më pak se një vit dhe ai nuk shoqërohet nga familja e tij, autoritetet japoneze e konsiderojnë atë një jorezident dhe ai paguan më pak taksa se një rezident, sipas raporteve që citojnë agjencinë shtetërore të taksave.

Megjithatë, qendra tatimore rajonale e Osakës vlerësoi se në vitin 2018, Iniesta ishte rezident sepse jetonte me anëtarët e familjes dhe përfitonte nga një kontratë shumëvjeçare, si rrjedhojë taksa shtesë prej rreth 580 milionë jen (3.5 milionë euro), e cila u pretendua nga atij. Të kontaktuara nga AFP, autoritetet tatimore të Osakës nuk pranuan të komentojnë.

B.T (Dosja.al)