Sport

ANGLI/ Indinjatë për fanelën e kombëtares: “A do t’i ndryshojmë edhe 'Tre Luanët' me 'Tre Mace?"...

Ish-ndërkombëtari David Seaman ishte një nga ata që shprehu pakënaqësinë e tij

22 Mars 2024, 15:33 Nga DOSJA
ANGLI/ Indinjatë për fanelën e kombëtares: “A do

ANGLI - Asnjëherë më parë, një fanelë e Anglisë nuk ka krijuar kaq shumë polemika. 

E prezantuar këtë javë, fanela e re e skuadrës angleze ra në sy për shkak të ngjyrave të kryqit në anën e pasme, ku e kuqja dhe e bardha, u zëvendësuan nga bluja dhe vjollca, gjë që çoi në një kor të madh kritikash, me ish-lojtarët që ishin në ballë të ‘revoltës’.

David Seaman, për shembull, bëri një koment ironik dhe e bëri të qartë se, nëse do të ishte në kohën e tij, lojtarët do të refuzonin ta veshin atë fanelë. 

"Nuk ka asnjë mënyrë për ta rregulluar. Çfarë është më pas: do t'i ndërroni “Tre Luanët” me “Tre Mace”? Po flasim për flamurin e Shën Gjergjit. Jam i sigurt nëse do t'i pyesnit djemtë (e brezit tuaj), ata do të thoshte jo”,- është shprehur ish-portieri.

Peter Shilton gjithashtu vuri në dyshim jo vetëm ndryshimin e ngjyrës, por edhe çmimin (150 €).  "Kjo është e gabuar në çdo nivel. Unë jam plotësisht kundër saj. Përfshirë çmimin që ka Nike.

Nëse do të vendosni kryqin e Shën Gjergjit në fanelë, gjë që e bëri Nike, të paktën lëreni në ngjyrat origjinale. Ashtu si “Tre Luanët”, janë traditë”,- tha Shilton, lojtari më i luajtur në historinë e skuadrës angleze.

Situata madje bëri që të krijohej një peticion online për të bërë një fanelë të re, me më shumë se 16 mijë firma.

B.T (Dosja.al)

Sondazh

Poll

MË SHUMË