Aktualitet

Lëvizja "Shqipëria Bëhet": Shfaqje e shëmtuar, dënojmë veprimin e kryeministrit ndaj gazetares Ambrozia Meta

Përmes një deklarate ata shprehen se sjellja e Ramës është e papranueshme, ndërsa Ambrozia po shfrytëzonte të drejtën që ia lejon profesioni për të bërë pyetje në funksion të interesit publik. 

19 Mars 2024, 17:04 Nga r.ll
Lëvizja "Shqipëria Bëhet": Shfaqje e shëmtuar,
adriatik lapaj

TIRANË- Lëvizja "Shqipëria Bëhet" e ka cilësuar si një shfaqje e shëmtuar, incidentin mes gazetares Ambrozia Meta dhe kryeministrit Edi Rama. 

Përmes një deklarate ata shprehen se sjellja e Ramës është e papranueshme, ndërsa Ambrozia po shfrytëzonte të drejtën që ia lejon profesioni për të bërë pyetje në funksion të interesit publik. 

Lëvizja "Shqipëria Bëhet" dënon përdorimin e kontaktit fizik dhe sipas tyre sulmin e vazhdueshëm ndaj punonjësve të medias, të cilët gjenden aty në përmbushje të misionit dhe profesionit të tyre.

POSTIMI I PLOTË:

Sot ishim dëshmitarë të një shfaqje të shëmtuar, por të përsëritur, të sulmit të kryeministrit të vendit Edi Rama ndaj gazetarëve. Prekja fizike ndaj gazetares Ambrozia Meta, në kohën kur kjo e fundit shfrytëzonte të drejtën që ia lejon profesioni për të bërë pyetje në funksion të interesit publik, është një sjellje e papranueshme!

Lëvizja ‘Shqipëria Bëhet’  dënon përdorimin e kontaktit fizik dhe sulmin e vazhdueshëm ndaj punonjësve të medias, të cilët gjenden aty në përmbushje të misionit dhe profesionit të tyre. Kjo sjellje buron nga një sistem që ka vrarë garën dhe që i ka dhënë pushtet vetëm disa individëve, të cilët tejkalojnë çdo limit, duke ushtruar dhunë verbale e fizike ndaj gazetarëve, sidomos ndaj gazetareve gra.

Respekti ndaj gazetarëve është një nga bazat me te rendesishme te demokracise, dhe Lëvizja 'Shqipëria Bëhet', do të luftojeë me çdo mjet për ta garantuar dhe mbrojtur deri në fund. Njëkohesisht, dhuna ndaj grave është e papranueshme në çdo formë dhe dënohet me ligj, ndaj në asnjë mënyrë nuk mund të tolerohet si një model i sjelljes shtetërore.

levizja shqiperia behet ambrozia meta edi rama

Sondazh

Poll