Sport

Puma e gatshme të paguajë 100 milionë euro për të ‘vjedhur’ Barcelonën nga Nike...

Dy markat sportive janë në 'luftë' për të mbyllur sponsorizimin e fanelës së ‘Blaugranas’

14 Mars 2024, 16:21 Nga DOSJA
Puma e gatshme të paguajë 100 milionë euro për të

SPANJE - Drejtuesit e Barcelonës do të kërkojnë të takohen së shpejti për të gjetur një zgjidhje për të ardhmen e sponsorizimit të fanelës së ekipit të meshkujve pas vitit 2026, vit në të cilin përfundon marrëdhënia aktuale me Nike. 

Marka sportive e Amerikës së Veriut, sponsori historik i ‘Blaugranave’, aktualisht po ofron një propozim prej 85 milionë euro në vit (plus 20 milionë euro për objektivat) dhe po përgatitet të bëjë një ofertë të re për klubin spanjol. 

Megjithatë, në prapaskenë, Puma është e vëmendshme për zhvillimin e negociatave mes dy palëve dhe tashmë ka shfaqur interes për të sponsorizuar fanelën zyrtare të Barcelonës nga 2026/27.

Sipas gazetës spanjolle ‘Marca’, kjo markë sportive ka paraqitur një propozim më të lartë se ai që ka aktualisht klubi me Nike, duke treguar 120 milionë euro në sezon. 

Krahas këtij përmirësimi të dukshëm, duke marrë parasysh të gjitha problemet financiare me të cilat është përballur stema katalanas vitet e fundit, Puma i ofron Barcelonës edhe 100 milionë euro të pastra kur klubi të inicializojë kontratën. Një ofertë që sigurisht do t'i japë Joan Laportës shumë për të menduar...

B.T (Dosja.al)

Sondazh

Poll

MË SHUMË