Sport

“Diakhaby ka dëmtim shumë të rëndë të gjurit, tani prioriteti është të ecë sërish”...

Mjeku specialist shpjegoi situatën e francezit, i cili pritet të mungojë për të paktën një vit

5 Mars 2024, 10:30 Nga DOSJA

“Diakhaby ka dëmtim shumë të rëndë të

SPANJE - Mjeku Enrique Gastaldi, duke folur për “Cadena Ser”, dha mendimin e tij për dëmtimin e Mouctar Diakhaby, i cili duhej të dërgohej në spital gjatë ndeshjes midis Valencias dhe Real Madridit:

“Është dëmtimi më i rëndë i gjurit që mund të pësohet. Gjëja e parë që duhet bërë është qetësia”,- tha ai, duke mos dashur të japë një vlerësim të kohës larg fushës.

Spanjoli shpjegoi gjithashtu se situata duhet të vlerësohet, për të kuptuar nëse mbrojtësi do të jetë në gjendje të luajë sërish futboll: “Dëmtimet duhet të studiohen në thellësi dhe të kuantifikohen.  Duhet të shohim ligamentet, që të mos ketë komplikime më vonë”.

“Diakhaby ka dëmtim shumë të rëndë të

Mbrojtësi i Valencias do të ketë një pushim të gjatë përpara. “Kur gjuri dislokohet, kocka lëviz nga vendi. Kjo do të thotë këputje e ligamenteve. Me këputje, duhet të përjashtohet një dëmtim vaskular, sepse kur del kocka mund të çajë arterien popliteale”, shtoi ai.

B.T (Dosja.al)

Sondazh

Poll

MË SHUMË