Sport

SURPRIZA/ Luis Enrique, prioritet për të zëvendësuar Xavin te Barça...

Ndërsa Xavi pritet të largohet nga Barça në fund të sezonit, trajneri Luis Enrique do të ishte në fakt një nga favoritët e mëdhenj për ta pasuar atë.

4 Mars 2024, 09:59 Nga DOSJA

SURPRIZA/ Luis Enrique, prioritet për të zëvendësuar Xavin

SPANJE - Drejtuesit e Barçës janë në kërkim të një trajneri të ri për sezonin e ardhshëm, pas njoftimit për largimin e Xavi Hernández. 

Dhe sipas gazetarit Sique Rodríguez, i cili foli në “Cadena SER”, Luis Enrique është favorit për të drejtuar ekipin nga 1 korriku 2024, i cili është i preferuari i Decos. Edhe pse Luis Enrique ka kontratë me Paris Saint-Germain (PSG) deri në qershor të vitit 2025, drejtuesit e ‘Blaugranas’ janë të interesuar për shërbimet e tij nga kjo verë.

“Në një botë ideale, trajneri i preferuar i Decos është Luis Enrique. Ai e vlerëson veçanërisht trajnerin asturian, megjithëse mundësia e rekrutimit të tij është e pasigurt për shkak të kontratës së tij me PSG. Vlerësohen edhe trajnerë të rinj si Arteta, apo Xabi Alonso. 

Vlerësohet edhe Roberto de Zerbi dhe metodat e tij dihen. Natyrisht, ne kemi folur gjithmonë për trajnerët gjermanë: Flick, Tuchel... Situata ekonomike është ajo që është dhe kufizon aq sa kufizon, por aktualisht trajneri që pëlqen më shumë është Luis Enrique”.

Për gazetarët e “Cadena SER”, opsioni i Luis Enrique megjithatë do të kishte disa mundësi për t'u realizuar për shkak të situatës "armiqësore" në PSG, veçanërisht pas largimit të afërt të Kylian Mbappé për te Real Madrid. 

Megjithëse Luis Enrique përgjithësisht tenton t'i përmbahet kontratave të tij, mundësia e një situate të pakëndshme në Paris mund të ndryshojë gjërat…

B.T (Dosja.al)

Sondazh

Poll

MË SHUMË