Art&Argëtim

Kanye West dhe gruaja e tij po planifikojnë për një fëmijë/ Prindërit e Biancës totalisht kundër: Kjo nuk është dashuri, por është kontroll

Në fillim të këtij muaji, burime thanë për Daily Mail se nëna e Leos dhe Biancës, Alexandra, ishte e mërzitur nga veshjet e neveritshme të vajzës së saj.

1 Mars 2024, 21:39 Nga S.B
Kanye West dhe gruaja e tij po planifikojnë për një
Bianca Censori dhe Kanye West

AUSTRALI- Prindërit e Bianca Censorit nuk i mbështesin planet e saj për të pasur një fëmijë me bashkëshortin e saj reperin 'kontrollues' Kanye West, i cili, sipas tyre, nuk do të ishte në gjendje të siguronte një shtëpi të qëndrueshme për të rritur nipërit e tyre.

Në dhjetor 2023, një vit pasi Bianca dhe Kanye u martuan në një ceremoni private në Kaliforni, Ye la të kuptohej dëshirën e tij për të pasur një fëmijë në tekstet e këngës së sapo publikuar Timbo Freestyle, të cilën ai e shfaqi në një festë në Las Vegas.

“Ti e di që unë jam impulsiv dhe një tjetër fëmijë është qëllimi im përfundimtar”, këndoi West.

Bianca, e cila ka marrë një rol aktiv si njerkë e katër fëmijëve të Kanye, duket se ka të njëjtin synim përfundimtar si bashkëshorti i saj, pasi një burim i afërt me bukuroshen tha për Daily Mail se ajo sigurisht që ka diskutuar planet për fëmijë me familjen e saj.

“Ai është bashkëshorti i saj, kështu që sigurisht që ajo ka folur për këtë dhe të qenit njerkë për fëmijët e Kanye-s e ka bërë më të fortë dëshirën e saj për të pasur fëmijë”, tha burimi i familjes Censori.

Edhe pse kishte një kohë kur familja e Biancës e mbështeti dëshirën e saj për të pasur një fëmijë me Kanye, kjo mbështetje është zbehur në muajt e fundit pas një sërë paraqitjesh publike shumë të diskutueshme dhe të çuditshme nga dyshja.

“Ata duan që Bianca të ketë fëmijë dhe nipër e mbesa, por duan që ata të rriten në një familje të qëndrueshme dhe të dashur. Jeta me Kanye nuk është aspak e qëndrueshme”, tha burimi. “Të shohësh vajzën e tij të veshur si një 'trofe lakuriq' është dëshmuar të jetë e tepërt për babanë e Biancës, Leo.”

Në fillim të këtij muaji, burime thanë për Daily Mail se nëna e Leos dhe Biancës, Alexandra, ishte e mërzitur nga veshjet e neveritshme të vajzës së saj.

“Njeriu që supozohet të mbrojë vajzën e zotit dhe zonjës Censori është i njëjti burrë që po e mbyll dhe largon atë nga familja”, deklaroi burimi.

“Asnjë mashkull nuk duhet të inkurajojë kurrë gruan që i pëlqen të dalë në publik dhe të prezantohet kështu. Kjo nuk është dashuri. Kjo është kontroll."

Shqetësimi për dëshirën e Biancës për të patur fëmijë me Kanye vjen teksa reperi qorton ish-gruan e tij Kim në Instagram, duke kërkuar që ajo t'i largojë fëmijët e tyre nga shkolla aktuale ku ata janë, duke këmbëngulur se ajo është një shkollë e kontrolluar nga sistemi.

kanye west bianca censori

Sondazh

Poll

MË SHUMË