Art&Argëtim

FOTOT/ Brenda shtëpisë 17 milionë dollarëshe të Taylor Swift, pamjet nga festat e VIP-ave po pushtojnë rrjetin

Shtëpia ka tetë oxhaqe, 10 tualete, dhe përmban një oborr të gjerë me një pishinë gjigande.

1 Mars 2024, 16:11 Nga S.B
FOTOT/ Brenda shtëpisë 17 milionë dollarëshe të Taylor
Taylor Swift

SHBA- Këngëtarja Taylor Swift bleu një pronë prej 1000 metrash katrorë në ishullin Rhode në vitin 2013 për një shumë prej 17.75 milionë dollarësh. Prona me tetë dhoma gjumi, e njohur si ‘High Watch’ ose Holiday House, është ndërtuar në pikën më të lartë në Watch Hill dhe ka një sipërfaqe prej 213 metrash të kushtuar një plazhi privat. Shtëpia ka tetë oxhaqe, 10 tualete, dhe përmban një oborr të gjerë me një pishinë gjigande.

Përpara se Swift të merrte çelësat e rezidencës, shtëpia, e ndërtuar në vitin 1929, ishte në pronësi të trashëgimtares së naftës Rebekah Harkness për më shumë se 30 vjet. Në fakt, Swift me sa duket mori disa sugjerime nga Harkness - e cila njihej për organizimet e festave të stilit Gatsby - dhe vazhdoi trashëgiminë e saj duke e bërë shtëpinë në majë të kodrës vendin e duhur çdo katër korrik.

FOTOT/ Brenda shtëpisë 17 milionë dollarëshe të Taylor
foto nga festat e Swift

Edhe pse ylli i popit, nuk ka ndarë shumë imazhe të pronës, disa nga miqtë e saj kanë treguar pamje brenda shtëpisë në mediat e tyre sociale. Në vitin 2015, disa nga miqtë e saj të famshëm – përfshirë Gigi Hadid, Joe Jonas dhe Martha Hunt – ndanë foto nga fundjava plot argëtim në Instagram-et e tyre. Disa miq të tjerë të super yllit kanë shpërndarë gjithashtu foto brenda kuzhinës së bardhë të shtëpisë.

Ndërkohë, hapësira e ndenjes ka tavane të larta dhe duket se është e dekoruar me tone neutrale, me mobilje të bardha, mure të errëta, dysheme lisi etj. Edhe pse këngëtarja "Anti-Hero" mori një pushim nga organizimi i festës së mbushur me yje për disa vite, ajo mbajti një mbledhje më të vogël këtë 4 korrik të kaluar së bashku me shoqen e saj të ngushtë Selena Gomez dhe motrat Haim. Pavarësisht se ka një vilë kaq luksoze, Swift zakonisht banon në kompleksin e saj prej 50 milionë dollarësh në qytetin e Nju Jorkut duke e lënë shtëpinë në Rhode Island në dispozicion të miqve të saj.

Shfletoni galerinë fotografike më poshtë për të parë fotot.

taylor swift vila e taylor swift ishujt rhode

Sondazh

Poll

MË SHUMË