Bota

Kryeshefi i KRU-së Gjakovë, arrestohet në Bullgari, nuk dihen ende akuzat

Nuk është e qartë se mbi çfarë akuzash apo dyshimesh është arrestuar Krasniqi. Por dyshohet se ai u arrestua me kërkesë të Interpolit në pikëkalimin kufitar të Bullgarisë me Maqedoninë e Veriut.

1 Mars 2024, 20:21 Nga S.N
Kryeshefi i KRU-së Gjakovë, arrestohet në Bullgari, nuk dihen
Hasan Krasniqi

KOSOVË- Kryeshefi ekzekutiv i Kompanisë Rajonale të Ujësjellësit (KRU) në Gjakovë, Hasan Krasniqi, është arrestuar në një pikëkalim kufitar në perëndim të Bullgarisë më 19 shkurt.Ky lajm u bë i ditur të premten për Radion Evropa e Lirë nga Ministria e Punëve të Jashtme e Kosovës (MPJ).

“Ministria e Punëve të Jashtme dhe Diasporës e Republikës së Kosovës konfirmon se në mbështetje të informatave zyrtare të pranuara nga Ministria e Jashtme e Republikës së Bullgarisë, shtetasi i Republikës së Kosovës (H.K) është ndaluar më datën 19 shkurt, 2024 në Pikën e kalimit të kontrollit kufitar Gyueshevo", tha MPJ.

Nuk është e qartë se mbi çfarë akuzash apo dyshimesh është arrestuar Krasniqi. Por dyshohet se ai u arrestua me kërkesë të Interpolit në pikëkalimin kufitar të Bullgarisë me Maqedoninë e Veriut.

“Shtetasi i Republikës së Kosovës është ndaluar pasi që i njëjti supozohet të jetë person i kërkuar nga Interpoli”, sipas MPJ-së.

Krasniqi u emërua udhëheqës i KRU Gjakovës në fillim të vitit 2022. Radio Evropa e Lirë nuk mori përgjigje në përpjekjet e saj për t’i kontaktuar zyrtarët e kësaj kompanie.

Marrë nga REL

hasan krasniqi kosove

Sondazh

Poll

MË SHUMË