Bota

Betohet presidenti i ri i Finlandës/ Për pak ditë do të inspektojë stërvitjet e NATO-s në Norvegji

Stubb, një konservator, u zgjodh kreu i shtetit në një fitore të ngushtë të balotazhit të 11 shkurtit kundër kandidatit të pavarur dhe ish-ministrit të jashtëm Pekka Haavisto të një partie me prirje të majtë.

1 Mars 2024, 20:14 Nga S.N

Betohet presidenti i ri i Finlandës/ Për pak ditë do të

FINLANDË- Alexander Stubb mori detyrën e re si president i Finlandës.Ai u betua si presidnet ditën e sotme dhe tha se vendi nordik po përballet me një epokë të re pasi u bë anëtare e NATO-s. Anëtarësimi i Finlandës në NATO do të bëjë që ai të ketë një udhëtim jashtë vendit për të inspektuar stërvitjet e aleancës ushtarake në Norvegji. Stërvitja 12-ditore e NATO-s quhet Reagimi Nordik dhe fillon të dielën. Stubb tha se do të shkojë për një ditë, më 7 mars.

“Nëse dikush do të më kishte thënë dy vjet më parë se presidenti i Finlandës do të bënte vizitën e tij të parë të punës në stërvitjet e NATO-s një javë pas inaugurimit të tij, nuk do ta kisha besuar”, tha Stubb.

Ish-kryeministri 55-vjeçar zëvendësoi presidentin Sauli Niinistö, një udhëheqës shumë popullor, i cili mbajti detyrën për dy mandate gjashtë-vjeçare. Stubb, një konservator, u zgjodh kreu i shtetit në një fitore të ngushtë të balotazhit të 11 shkurtit kundër kandidatit të pavarur dhe ish-ministrit të jashtëm Pekka Haavisto të një partie me prirje të majtë.

Finlanda u bashkua me NATO-n në prill pas pushtimit të plotë të Ukrainës nga Rusia më 24 shkurt 2022. Stubb tha në fjalimin e tij para ligjvënësve se si rezultat i bashkimit ushtarak dhe bashkimit me NATO-n, ne kemi bërë hapin përfundimtar në komunitetin perëndimor të vlerave.

 

alexander stubb finlande

Sondazh

Poll

MË SHUMË