Bota

Zbardhet vdekja tronditëse e pjesëtarit të familjes mbretërore/ Thomas Kingston kreu vetëvrasje

Pas vdekjes së tij të papritur, gruaja e tij, Lady Gabriella Kingston, prindërit, vëllezërit e motrat dhanë një deklaratë duke e kujtuar atë si një njeri të jashtëzakonshëm që ndriçoi jetën e të gjithë atyre që e njihnin.

1 Mars 2024, 20:08 Nga S.B
Zbardhet vdekja tronditëse e pjesëtarit të familjes
Thomas Kingston

ANGLI- Thomas Kingston, ish-i dashuri i motrës së vogël të Kate Middleton, Pippa, vdiq nga një plagë e vetëshkaktuar me armë zjarri, njoftoi mjekja ligjore të premten. Ai u gjet i vdekur në moshën 45-vjeçare me një "dëmtim katastrofik në kokë" dhe një armë pranë trupit të tij në shtëpinë e prindërve në një fshat Cotswalds të dielën. Pas vdekjes së tij të papritur, gruaja e tij, Lady Gabriella Kingston, prindërit, vëllezërit e motrat dhanë një deklaratë duke e kujtuar atë si një njeri të jashtëzakonshëm që ndriçoi jetën e të gjithë atyre që e njihnin.

“Vdekja e tij ka ardhur si një tronditje e madhe për të gjithë familjen dhe ne ju kërkojmë të respektoni privatësinë tonë ndërsa vajtojmë për vdekjen e tij”, shtuan ata.

“Mbreti dhe Mbretëresha janë informuar për vdekjen e Thomas dhe i bashkohen Princit dhe Princeshës Michael të Kentit dhe të gjithë atyre që e njihnin atë në pikëllimin e një anëtari shumë të dashur të familjes”, thuhet në një deklaratë zyrtare.

Zbardhet vdekja tronditëse e pjesëtarit të familjes
thomas kingston dhe pippa middleton

Thomas dhe Lady Gabriella, vajza e Princit dhe Princeshës Michael të Kentit, u martuan në vitin 2019 në Kështjellën Windsor. Ai dhe Pippa, 40 vjeç, i dhanë fund lidhjes së tyre rreth vitit 2011, por mbetën miq. Në fakt, Thomas dhe Lady Gabriella morën pjesë në dasmën e Pippës në maj 2017 me James Matthews.

Thomas dhe gruaja e tij u fotografuan së bashku për herë të fundit në Ditën e Shën Valentinit ndërsa merrnin pjesë në një ngjarje në Londër për të nderuar 400-vjetorin e "First Folio" të William Shakespeare. Një mik i Thomas dhe Lady Gabriella tha për Daily Mail se ata u takuan për herë të fundit me çiftin më 21 shkurt, duke thënë: Ata dukeshin të lumtur dhe më pozitivë se kurrë. Një shok tjetër e përshkroi vdekjen e tij si "tërësisht tronditëse".

vdekja e thomas kingston thomas kingston

Sondazh

Poll

MË SHUMË