Sport

VIDEO/ Mourinho zbulon humbjen e tij më të dhimbshme në karrierë: "Vetëm atëherë qava, edhe Cristiano Ronaldo u thye!"...

“Plagën” më të madhe të karrierës së tij si trajner e zbuloi Jose Mourinho, duke u kthyer në vitin 2012, kur ai ishte ulur në stolin e Real Madridit.

28 Shkurt 2024, 17:56 Nga DOSJA

VIDEO/ Mourinho zbulon humbjen e tij më të dhimbshme në

SPANJE - As 5-0 nga Barcelona në vitin 2010, as gjashtë golat e Bodo Glimt në vitin 2021, kur ai ishte trajner i Romës. Jose Mourinho ka zbuluar humbjen më të rëndë, atë që e lëndoi më shumë se çdo tjetër në karrierën e tyre drejtuese, duke u kthyer në vitin 2012.

Kishte të bënte me eliminimin e Real Madridit nga Bayern Munich në gjysmëfinale të Champions League. Duke folur në një dokumentar të ‘Amazon’, portugezi iu referua asaj nate të veçantë, duke pranuar se ishte e vetmja disfatë që e bëri të qante.

“Ishte hera e parë dhe e fundit që kam qarë pas një ndeshjeje. Jo në fushë apo në dhomat e zhveshjes, por teksa po udhëtoja për në shtëpi. Dhe kur mbërrita, më thirri Jorge Mendes. Më thotë: “Më bëj një nder dhe shko në shtëpinë e Cristianos, se ai ka vdekur”. I thashë që edhe unë kisha vdekur. Por e bëra. U bëra gati, pa lot dhe shkova. Ai ishte njëlloj si unë. Ne të dy ishim të thyer”,- tha në mënyrë karakteristike Mourinho.

Bayern e kishte mposhtur Realin 2-1 në Mynih, por ‘merengët’ me dy golat e Cristiano Ronaldos në ndeshjen e dytë e dërguan ndeshjen në kohën shtesë (fitore 2-1) dhe më pas në penallti.

Aty, megjithatë, ata nuk u shfaqën aq të ftohtë sa duhej dhe u mundën 3-1. Ata panë Cristiano, Kaka dhe Ramos, të gabonin te pika e bardhë dhe i thanë lamtumirë ëndrrës së Champions League në "Bernabeu" në vitin e tyre më të mirë nën Mourinhon, kur fituan edhe kampionatin e vetëm me portugezin në pankinë.

B.T (Dosja.al)

Sondazh

Poll

MË SHUMË