Art&Argëtim

"E ngatërrova me rojen e sigurisë"/ Babai i Taylor Swift akuzohet për dhunë ndaj paparacit

Dëshmitarët pohojnë se Scott Swift, i njohur si 'Papa Swift', kishte festuar me vajzën e tij Taylor pas përfundimit të turneut të saj shumë të suksesshëm ‘Eras’ në Australi.

27 Shkurt 2024, 16:07 Nga S.B
"E ngatërrova me rojen e sigurisë"/ Babai i Taylor Swift
Taylor Swift dhe babai i saj

AUSTRALI- Scott Swift, babai i ikonës botërore të popit Taylor Swift, e gjeti veten në qendër të polemikave teksa policia heton akuzat për sulm ndaj një fotografi paparac në Sydney. Incidenti ndodhi në orët e para të mëngjesit të së martës në një skelë tragetesh në Gjirin Neutral. Sipas raportimeve, Scott Swift, 71 vjeç, dyshohet se sulmoi Ben McDonald, një paparac 51-vjeçar, në momentin kur ai u përpoq të fotografonte familjen Swift.

Dëshmitarët pohojnë se Scott Swift, i njohur si 'Papa Swift', kishte festuar me vajzën e tij Taylor pas përfundimit të turneut të saj shumë të suksesshëm ‘Eras’ në Australi. Incidenti thuhet se ka ndodhur kur familja Swift zbarkuan nga një superjaht luksoz i quajtur Quantum, pasi kishin udhëtuar nga vendi i shfaqjes së fundit të Taylor në Sidnei. Z. McDonald, duke rrëfyer incidentin, shprehu tronditjen e tij për sulmin e supozuar nga Scott Swift, të cilin ai fillimisht e ngatërroi me një roje sigurie.

"E ngatërrova me rojen e sigurisë"/ Babai i Taylor Swift
Taylor dhe Scott Swift

Pavarësisht se ka dhimbje në anën e majtë të fytyrës, zoti McDonald nuk parashikon ndonjë lëndim të madh. Pavarësisht suksesit të turneut të saj, ky incident i fundit që përfshin babain e saj ka tërhequr vëmendjen dhe ka ngritur pikëpyetje në lidhje me presionet e famës dhe limitet në të cilat familjet shkojnë për të mbrojtur të dashurit e tyre. Ndërsa hetimet për sulmin e supozuar vazhdojnë, familja Swift ende nuk ka komentuar mbi këtë çështje.

taylor swift scott swift

Sondazh

Poll

MË SHUMË