Art&Argëtim

1.5 milionë euro në 20 minuta koncert, zbulohen përfitimet marramendëse të Dua Lipës

Kënga më e fundit që ajo ka publikuar është 'Houdini', e cila është bërë hit që kur u publikua në nëntor 2023.

26 Shkurt 2024, 22:54 Nga S.B
1.5 milionë euro në 20 minuta koncert, zbulohen përfitimet
Dua Lipa

LONDËR- Kanë kaluar gjashtë vite që kur këngëtarja me origjinë shqiptare Dua Lipa performoi në finalen e Ligës së Kampionëve 2018 si artistja e re e Britanisë së Madhe. Që atëherë, karriera e saj nuk ka reshtur së rrituri me hapa të mëdhenj dhe artistja e 'One Kiss' është në rrugën e saj për të krijuar një perandori në industrinë e muzikës. ‘Kërcimi’ i saj në ekranin e madh me filmat 'Argylle' dhe 'Barbie' mund ta katapultojë edhe më tej karrierën e saj kaq të shkurtër.

Dhe ia vlen të kujtojmë se Dua Lipa është vetëm 28 vjeç dhe ka vetëm një dekadë që është në muzikë. Megjithatë, ajo tashmë i ka të gjitha ato trofe dhe nominime në kabinetin e saj të trofeve: 10 Brit Awards (ajo ka fituar tre), tetë çmime Grammy (ajo ka fituar tre) dhe pesë NME Awards (ajo ka fituar një). Kënga më e fundit që ajo ka publikuar është 'Houdini', e cila është bërë hit që kur u publikua në nëntor 2023. Këngëtarja për momentin është në Top 5 të artistëve ndërkombëtarë, ndaj sa herë del në skenë, llogaria e saj bankare rritet ndjeshëm. Sipas gazetës së specializuar, Net Worth Spot, Dua Lipa thuhet se vetëm me këngët e saj do të gjenerojë 30 milionë euro.

Nga kjo shumë, 20 minuta garantojnë që Dua Lipa të marrë 1.5 milionë euro nga koncertet e saj. Por artistja nuk gjeneron të ardhura vetëm falë muzikës, pasi Chanel, Valentino, Saint Lauren, Prada, Balenciaga dhe Puma janë disa nga markat që kanë zgjedhur këngëtaren si fytyrën e tyre në botën e reklamave.

Duke synuar publikimin e një albumi të tretë gjatë vitit 2024, dy albumet e para u bënë më të dëgjuarat nga një artiste femër në histori, me më shumë se 10 miliardë e dëgjuan në Spotify. Ajo aktualisht ka rreth 70 milionë dëgjues mujor në platformë. Dua Lipa është drejt rrugës për t'u bërë një nga artistet më të paguara të ditëve të sotme.

dua lipa

Sondazh

Poll

MË SHUMË