Sport

Fitorja në “Old Trafford” dhe Marco Silva: "Fitoi skuadra më e mirë!"…

Trajneri i Fulhamit është shprehur tepër i kënaqur me fitoren ndaj Manchester United

25 Shkurt 2024, 09:30 Nga DOSJA

Fitorja në “Old Trafford” dhe Marco Silva: "Fitoi skuadra

ANGLI - Fulham fitoi 2-1 në transfertën e tij ndaj Manchester United, këtë të shtunë, në ndeshjen e 26-të të Premier League. Në fund të ndeshjes, trajneri Marco Silva, ka reaguar me kënaqësi për fitoren e ekipit të tij në një deklaratë për BBC.

"Është një fitore e madhe për ne. Sigurisht, një ndjenjë e madhe për tifozët tanë, të cilët ishin të zhurmshëm nga minuta e parë deri në minutën e fundit. Lojtarët e merituan, padyshim që skuadra më e mirë e fitoi ndeshjen”,- tha trajneri portugez.

"Ne ishim skuadra që luajtëm më mirë, krijuam më shumë mundësi dhe kishim më shumë kontroll në lojë. Është një ndjenjë fantastike për ne që vijmë këtu dhe fitojmë kundër një ekipi në formë të mirë. E dinim se do të duhej të luanim në një nivel të lartë dhe këtë bëmë”,- shtoi Marco Silva.

Fulham kaloi në avantazh në minutën e 65-të, por pranoi një barazim drejt fundit, në minutën e 89-të. Mirëpo, kjo nuk e lëkundi skuadrën e Marco Silvës, i cili në të 90’+7 bëri 2-1 me anë të Alex Iwobi, moment që trajneri portugez e trajtoi në fund të ndeshjes.

"Ata patën dy-tre raste, janë një ekip cilësor, por ne i kontrolluam shumë mirë. Jam i kënaqur me mënyrën se si luajtëm në pjesën e dytë. Pasi shënuam, e dinim se do të kishte një reagim. Ne u përpoqëm t'i kapnim në pozicion jashtë loje, por nuk pati sinkronizimin që dëshironim dhe, teksa ata shtypnin, treguam mentalitetin që na mungonte në ndeshjet e tjera jashtë fushe. Goli i fitores? Ishte një kundërsulm i mrekullueshëm dhe një përfundim i shkëlqyer”,- shpjegoi Marco Silva.

"Lojtarët meritojnë shumë merita, sepse e kuptuan planin dhe e zbatuan atë. Ishte një lojë e hapur, nuk ndryshuam qoftë jashtë apo në shtëpi. Është mënyra jonë për t'i bërë gjërat”,- përfundoi trajneri portugez.

B.T (Dosja.al)