Politike

U kundërshtua në Gjykatën Kushtetuese/ Reuters: Parlamenti shqiptar ratifikon marrëveshjen e migracionit me Italinë

Reuters shkruan se 77 deputetë në parlamentin me 140 vende votuan në favor të marrëveshjes, të shpallur në nëntor, sipas së cilës, anëtarja e BE, Italia do të hapë 2 kampe përtej detit Adriatik në Shqipëri, e cila nuk është anëtare e BE. 

22 Shkurt 2024, 11:03 Nga DOSJA
U kundërshtua në Gjykatën Kushtetuese/ Reuters: Parlamenti
Pamje e përgjithshme e parlamentit

TIRANA– Agjencia ndërkombëtare e lajmeve, Reuters, i ka dedikuar një artikull miratimit të marrëveshjes me emigrantët ditën e sotme në parlament. Reuters shkruan se 77 deputetë në parlamentin me 140 vende votuan në favor të marrëveshjes, të shpallur në nëntor, sipas së cilës, anëtarja e BE, Italia do të hapë 2 kampe përtej detit Adriatik në Shqipëri, e cila nuk është anëtare e BE. 

Artikulli vijon me shtjellin e procedurave të mëparëshme që hasi kjo marrëveshje ku u kundërshtua në Gjykatën Kushtetuese nga opozita, të cilët argumentuan se ajo thyente kushtetutën duke transferuar territorin dhe pushtetin shtetëror në një vend tjetër. Kujtojmë se Gjykata Kushtetuese hodhi poshtë pretendimet dhe dha një dritë jeshile për marrëveshjen muajin e kaluar.

Artikulli i plotë:

Parlamenti i Shqipërisë ratifikoi të enjten një marrëveshje për migracionin me Italinë, e cila i lejon asaj të ndërtojë qendra përpunimi për emigrantët në vendin ballkanik. Shtatëdhjetë e shtatë deputetë në parlamentin me 140 vende votuan në favor të marrëveshjes, të shpallur në nëntor, sipas së cilës, anëtarja e Bashkimit Evropian, Italia do të hapë dy kampe përtej detit Adriatik në Shqipëri, e cila nuk është anëtare e BE. Një kamp do t'i kontrollonte emigrantët në momentin e mbërritjes dhe një i dytë do t'i ndalonte ata derisa të shqyrtohen kërkesat për azil. Më pas, migrantët ose do të lejoheshin të hynin në Itali ose do të riatdhesoheshin.

Marrëveshja u kundërshtua në Gjykatën Kushtetuese të Shqipërisë nga ligjvënësit e Partisë Demokratike të opozitës, të cilët argumentuan se ajo thyente kushtetutën duke transferuar territorin dhe pushtetin shtetëror në një vend tjetër. Gjykata Kushtetuese hodhi poshtë pretendimet dhe dha një dritë jeshile për marrëveshjen muajin e kaluar. Brukseli ka thënë se planet italiane nuk shkelin ligjin e Bashkimit Evropian.

reuters marresveshja per emigrantet

Sondazh

Poll

MË SHUMË