Sport

Gjykata rrëzon ankimimin e Benzema!

Sulmuesi aktual i Al Ittihad shkoi në gjykatë kundër Ministrit të Brendshëm francez, Gérald Darmanin, për sigurimin se ai kishte lidhje "famëkeqe" me organizatën Vëllazëria Myslimane.

15 Shkurt 2024, 20:02 Nga DOSJA
Gjykata rrëzon ankimimin e Benzema!

FRANCE - Ankesa për shpifje e depozituar nga Karim Benzema kundër ministrit të Brendshëm, Gérald Darmanin, u rrëzua të martën, siç njoftoi sot Rémy Heitz, prokurori i përgjithshëm i Gjykatës së Kasacionit.

Darmanin deklaroi tetorin e kaluar gjatë një interviste se Benzema, ish-sulmuesi i Lyon dhe Real Madrid, i cili tani luan për Al Ittihad në Arabinë Saudite, ka lidhje  me organizatën"famëkeqe" islamike Vëllazëria Myslimane.

Nuk ju cenohet nderi
Komisioni i Kërkesave i Gjykatës së Republikës (KRD) “konsideron se ankesa e z. Benzema”, e marrë më 16 janar, “i referohet komenteve që nuk i atribuojnë atij asnjë fakt që mund të dëmtojë nderin apo konsideratën e tij”, sipas njoftimit për shtyp të Heitz.

“Ky vendim i Komisionit të Kërkesave, i përbërë nga tre magjistratë nga selia e Gjykatës së Kasacionit, dy Këshilltarë të Shtetit dhe dy këshilltarë të lartë nga Gjykata e Audituesve, nuk është objekt ankimimi”, thotë Heitz.

Gjykata e Drejtësisë së Republikës (GjDK) është i vetmi juridiksion i autorizuar për të ndjekur penalisht dhe gjykuar anëtarët e qeverisë për krime të kryera gjatë ushtrimit të funksioneve të tyre. 

Mesazhi i Benzemës që shkaktoi konfliktin
Konflikti nisi në tetor kur Benzema postoi  në rrjetin  social një status.
Ditë më vonë Darmanin siguroi në kanalin televiziv Cnews se "Z. Benzema ka lidhje, të gjithë e dinë, ka lidhje me Vëllazërinë Myslimane".

Vëllazëria Myslimane është një organizatë islamike e lindur në Egjipt, ku konsiderohet terroriste , si dhe në Arabinë Saudite, ku tani luan Benszema.

Në denoncimin e tij, Benzema argumentoi se këto akuza ishin "të pasakta", "me shumë mundësi të rreme, por gjithsesi të bëra me qëllim" dhe po "sulmonin" nderin dhe reputacionin e tij.

Benzema ripohon se "asnjëherë nuk ka pasur as lidhjen më të vogël me organizatën e Vëllazërisë Myslimane, as njohuri për këdo që e ka pretenduar atë". 

B.T (Dosja.al)

Sondazh

Poll

MË SHUMË