Aktualitet

“Tempulli 2”/ Shiste drogë pranë një fushe sporti ku luanin nxënës shkolle, arrestohet i riu në Tiranë (EMRI)

Në cilësinë e provës materiale u sekuestruan 63 doza me kanabis, të cilat 27-vjeçari i kishte fshehur në sahatin e ujit, në një pallat afër fushës së Laprakës.

28 Janar 2024, 11:09 Nga r.ll
“Tempulli 2”/ Shiste drogë pranë një fushe sporti ku
foto nga arrestimi

TIRANË- Policia e Tiranës ka vënë në pranga një 27-vjeçar pasi u kap me doza kanabisi gati për shitje.

Arrestimi i Roland Hoxhës, u bë në kuadër të një operacioni të koduar “Tempulli”. I riu e shiste drogën në afërsi të një fushe sporti në Laprakë, e cila vizitohej nga nxënës të shkollave.

Në cilësinë e provës materiale u sekuestruan 63 doza me kanabis, të cilat 27-vjeçari i kishte fshehur në sahatin e ujit, në një pallat afër fushës së Laprakës.

NJOFTIMI I POLICISË:

Goditet nga Komisariati i Policisë Nr. 3, në bashkëpunim me Seksionin për Hetimin e Narkotikëve, një rast i shitjes së lëndëve narkotike, në doza, afër një fushe sportive, që frekuentohet nga nxënës shkolle. Sekuestrohen 63 doza lënde narkotike kanabis, gati për shitje, vihet në pranga poseduesi. Shërbimet e Komisariatit të Policisë Nr. 3, në bashkëpunim me Seksionin për Hetimin e Narkotikëve, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli 2”, pasi kanë siguruar informacion se një shtetas shiste lëndë narkotike kanabis, kanë organizuar punën për kapjen dhe vënien e tij përpara përgjegjësisë penale.

Si rezultat, në rrugën “Mati Logoreci”, u kap dhe arrestua në flagrancë shtetasi R. H., 27 vjeç, banues në Tiranë.

Nga verifikimet e kryera ka rezultuar se ky shtetas e siguronte lëndën narkotike në sasi dhe më pas e ndante në doza, të cilat i shiste në afërsi të fushës sprotive, në Laprakë, e cila frekuentohet nga nxënës shkolle.

Në cilësinë e provës materiale u sekuestruan 63 doza me kanabis, të cilat 27-vjeçari i kishte fshehur në sahatin e ujit, në një pallat afër fushës së Laprakës.

Punohet për identifikimin e personave të tjerë, të implikuar në këtë veprimtari kriminale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

tirane

Sondazh

Poll

MË SHUMË