Aktualitet

Tentuan të vidhnin një të moshuar, arrestohen dy persona në Berat, të dënuar edhe më parë për vjedhje

Mësohet se dy të arrestuarit janë me të shkuar kriminale pasi ishin të dënuar më parë për vjedhje.

26 Janar 2024, 09:24 Nga N.F
Tentuan të vidhnin një të moshuar, arrestohen dy persona në
Foto ilustruese

BERAT- Dy persona janë arrestuar ditën e sotme në Berat pasi ata tentuan të vidhnin një të moshuar. Mësohet se dy të arrestuarit janë me të shkuar kriminale pasi ishin të dënuar më parë për vjedhje.

Të arrestuarit janë 41-vjeçari me inicialet K. Y. dhe 50-vjeçari me inicialet A. B. Policia po vijon hetimet për dy të arrestuarit për vjedhje të tjera që mund te kenë kryer.

Njoftimi i policisë:

Berat/ Tentuan t’i vidhnin paratë nga xhepi, një shtetasi të moshuar, ndërhyrja e menjëhershme e shërbimeve të Policisë bën të mundur arrestimin në flagrancë të 2 autorëve. Të 2 të arrestuarit, të dënuar më parë për vjedhje.

Gjatë patrullimeve 24/7, për të parandaluar paligjshmëritë dhe për të garantuar sundimin e ligjit në të gjithë territorin e qarkut, shërbimet e Komisariatit të Policisë Berat kanë konstatuar se 2 shtetas po tentonin t’i vidhnin një shumë parash, nga xhepi, një shtetasi të moshuar. Si rezultat i ndërhyrjes së menjëhershme janë vënë në pranga autorët e rastit, shtetasit K. Y., 41 vjeç dhe A. B., 50 vjeç, të dy banues në Berat.

Vijon puna për zbardhjen e vjedhjeve të tjera që mund të kenë kryer këta shtetas. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

 

berat vjedhje arrestim

Sondazh

Poll

MË SHUMË