Politike

Shqyrtimi i marrëveshjes Shqipëri-Itali për emigrantët, Kushtetuesja shtyn seancën

Në njoftimin e Gjykatës, thuhet se në datën 23 janar, deputetët që paraqitën kërkesën për rrëzimin e marrëveshjes, kanë dorëzuar kërkesën edhe për disa prova shtesë lidhur me marrëveshjen.

24 Janar 2024, 15:14 Nga r.ll
Shqyrtimi i marrëveshjes Shqipëri-Itali për emigrantët,
edi rama, giorgia meloni

TIRANË- Gjykata Kushtetuese ka shtyrë për në 29 janar seancën për shqyrtimin e kërkesës së deputetëve të opozitës kundër marrëveshjes për emigrantët mes Shqipërisë dhe Italisë.

Në njoftimin e Gjykatës, thuhet se në datën 23 janar, deputetët që paraqitën kërkesën për rrëzimin e marrëveshjes, kanë dorëzuar kërkesën edhe për disa prova shtesë lidhur me marrëveshjen.

Seanca e 29 janarit pritet të zhvillohet në orën 10:00.

NJOFTIMI I GJYKATËS:

1. Sot në datën 24.01.2024, Gjykata Kushtetuese zhvilloi seancën plenare të radhës për shqyrtimin e kërkesës së paraqitur nga 30 deputetë të Kuvendit të Republikës së Shqipërisë, me objekt: “Deklarimi i papajtueshëm me Kushtetutën të Protokollit ndërmjet Qeverisë së Republikës Italiane dhe Këshillit të Ministrave të Republikës së Shqipërisë “Për Forcimin e Bashkëpunimit në Fushën e Migracionit” dhe ndalimi i ratifikimit të tij nga Kuvendi. Pezullimi i procedurave për ratifikimin e Protokollit ndërmjet Qeverisë së Republikës Italiane dhe Këshillit të Ministrave të Republikës së Shqipërisë “Për Forcimin e Bashkëpunimit në Fushën e Migracionit” ”.

2. Gjatë shqyrtimit, Gjykata Kushtetuese konstatoi se në datën 23.01.2024, ora 15:55, kërkuesi ka paraqitur parashtrime shtesë me shkrim, në përmbajtje të të cilave kërkohej edhe marrje e disa provave. Parashtrimet shtese iu komunikuan për dijeni subjekteve të interesuara në datën 24.01.2024, ora 9:30.

3. Në këto rrethana, Gjykata bazuar në nenet 43 pika 1 shkronja “ë” dhe 44/a të ligjit organik të saj, që parashikon të drejtën e palëve të kundërshtojnë kërkesat, përfundimet dhe shpjegimet e palëve të tjera, vendosi të shtyjë seancën gjyqësore të radhës në datën 29.01.2024, ora 10.00.

marreveshja me italine per emigrantet gjykata kushtetuese

Sondazh

Poll

MË SHUMË