Sport

Sauditët kërkojnë lojtarë për ligën e tretë! Nuk mund të besohet ajo që ofrojnë...

Klubet saudite përfunduan shumë transferime të mëdha në vitin 2023 dhe synojnë të vazhdojnë në të njëjtin ritëm edhe në vitin 2024.

13 Janar 2024, 14:00 Nga DOSJA

Sauditët kërkojnë lojtarë për ligën e tretë!

ARABIA SAUDITE - Tani, megjithatë, ndryshe nga niveli i lartë, ata duan të fokusohen edhe në ligat e ulëta. Për këtë arsye ata kanë shfrytëzuar platformën “FutbolJobs” ku kanë prezantuar një ofertë për lojtarët që duan të luajnë në ligën e tretë.

Yjet e mëdhenj evropianë po vinin në Arabinë Saudite. Filloi me Cristiano Ronaldon dhe më vonë në gjurmët e tij ndoqën Karim Benzema, Roberto Firmino, Neymar, Aleksandar Mitrović, Riyad Mahrez, Marcelo Brozović, N'Golo Kante, Sadio Mane e shumë të tjerë.

Përveç kësaj, sauditët do të presin Superkupën e Spanjës dhe të Italisë, ata do të pritën edhe Superkupën e Turqisë, por dueli i Fenerit dhe Galatas u anulua për arsye që besojmë se janë të njohura për të gjithë.

Megjithatë, sauditët nuk kanë ndërmend të ndalen me kaq dhe planifikojnë të zhvillojnë edhe liga më të ulëta. Synimi i tyre është të krijojnë një bazë futbollistësh evropianë atje, të cilët do të stërviten më mirë se lojtarët aktualë të ligës. Prandaj, ata përdorën platformën “FutbolJobs”, e cila merret me ofertat e punës në botën e futbollit. Ato përfshinin një ofertë mjaft tërheqëse për ata që do të donin të provonin veten në ligën e tretë.

Sauditët ofrojnë një pagë nga tre deri në katër mijë euro në muaj dhe garantojnë një apartament në kurriz të klubit. Presidenti i “FutbolJobs”, Valentin Botelja Nikolas ka treguar se interesimi është i madh. 

Sauditët kërkojnë lojtarë për ligën e tretë!

Klubet kërkojnë lojtarë për të gjitha pozicionet, përveç portierëve. Botelja e bëri të qartë se ata janë vetëm ndërmjetës dhe nuk përfaqësojnë klube apo lojtarë.

“Ne thjesht ofrojmë një platformë falë së cilës njerëzit e lidhur me botën e futbollit mund të gjejnë punë: lojtarë, trajnerë, fizioterapistë”, - shtoi ai. 

Megjithatë, jo të gjithë janë të kënaqur me qëndrimin e tyre në Arabinë Saudite. Së fundmi dolën informacione se Jordan Henderson synon të largohet nga Al-Itifaq në janar pas vetëm disa muajsh aventurë.

Shumë e quajnë Arabinë Saudite tokën e premtuar për lojtarët e futbollit. Pritet që gjatë verës të shkojnë edhe disa yje të tjerë në Lindjen e Mesme dhe përmendet se mund të jetë edhe Mohamed Salah nga Liverpooli.

Tashmë arabët duan të sjellin lojtarë më pak cilësorë nga Evropa për të luajtur në ligat e ulëta dhe duke pasur parasysh atë që ofrojnë, nuk ka dyshim se shumë do të jenë të lumtur të hipin në avion dhe të shkojnë në një udhëtim të gjatë.

B.T (Dosja.al)

Sondazh

Poll

MË SHUMË