Aktualitet

Përndiqnin ish-partneret e tyre në mënyrë të përsëritur, arrestohen dy të rinj

Dy të rinjtë janë arrestuar pasi në mënyrë të përsëritur përndiqnin ish-partneret e tyre.

11 Janar 2024, 13:59 Nga M.B
Përndiqnin ish-partneret e tyre në mënyrë të
Foto ilustruese

TIRANË- Një 34-vjeçar banues në Tiranë është arrestuar pasi në mënyrë të përsëritur, ka përndjekur ish-të dashurën e tij.

Gjithashtu në Maqellarë, një 27-vjeçar me inicialet R. I., është arrestuar pasi gjithashtu në mënyrë të përsëritur ka përndjekur ish-të fejuarën e tij.

Njoftimi i policisë:

'Tiranë/Vihen në pranga 3 shtetas, për vepra të ndryshme penale.

Specialistët për Hetimin e Krimeve të Komisariatit të Policisë Nr. 1 arrestuan shtetasin R. I., 27 vjeç, banues në Maqellarë, pasi në mënyrë të përsëritur, ka përndjekur ish-të fejuarën e tij.

Specialistët për Hetimin e Krimeve të Komisariatit të Policisë Nr. 3 arrestuan shtetasin E. Sh., 34 vjeç, banues në Tiranë, pasi në mënyrë të përsëritur, ka përndjekur ish-të dashurën e tij.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.'

maqellare tirane policia arrestime

Sondazh

Poll

MË SHUMË