Aktualitet

Vrasja në Greqi/ U përdhunua për disa vite nga vëllai i njerkës, flet xhaxhai i 18-vjeçares: Vajzat qajnë, thonë na mori lumi!

Në lidhje me ngjarjen ka reaguar edhe vëllai i 50-vjeçarit i cili ndodhet në burg.

11 Janar 2024, 12:48 Nga N.F
Vrasja në Greqi/ U përdhunua për disa vite nga vëllai i
Fatmir Tarellari dhe Erjon Pelivani

GREQI- Detaje dhe dëshmi të reja po zbardhen në lidhje me vrajsen e regjistruar pak ditë më parë ne Greqi ku 50-vjeçari shqiptar, Fatmir Tarellari vrau përdhunuesin e vajzës dhe kunatin e tij, Erjon Pelivanin. Në lidhje me ngjarjen ka reaguar edhe vëllai i 50-vjeçarit i cili ndodhet në burg. Tarellari është dorëzuar në polici pas ngjarjes duke rrëfyer aktin që kishte kyer para efektivëve të policisë.

Sipas dëshmisë së vëllait të 50-vjeçarit mësohet se vajzat janë në gjendje të rënduar emocionale dhe se me 18-vjeçaren nuk ka kontaktuar ende. Në një intervistë për emisionin “Me Zemër të Hapur” vëllai i Fatmirit u shpreh se kishte kontaktuar me të tre ditë më parë dhe se gjendja e tij ishte e mirë.

“Ne kemi folur para tre ditësh me vëllanë. Gjendja ishte e mirë, nuk më tha ndonjë gjë. Për lajmin na morën në telefon nga Greqia. Unë nuk e besoja. Nuk e di! Nuk kam qenë atje, kam qenë në Shqipëri. Vajzat janë të trija në Greqi dhe jetojnë me babanë. Kjo ishte e vogla," u shpreh vëllai i 50-vjeçarit.

"Nuk kemi pasur kontakte pas ngjarjes, me mbesat fola. Vajzat qajnë, na mori lumi thonë… s’dinë çfarë të bëjnë. Vajza është 18 vjeç, nuk kam fol me te por me dy vajzat e mëdha. Vajza po rri në shtëpinë e saj që ka me qira. Mbesat kur fola ma thanë pak a shumë se çfarë kishte ndodhur. E vërteta nuk dihet”, shtoi ai.

fatmir tarellari erjon pelivani vrasje greqi përdhunim

Sondazh

Poll

MË SHUMË