Sport

Kampion me Benficën, tani ai është fermer: “Bëj gjithçka: pres dru, ngas traktor...”

Eder Luis u tërhoq nga fusha e futbollit në vitin 2020 dhe tani bën një jetë paqësore në Uberlândia të Brazilit

9 Janar 2024, 15:18 Nga DOSJA

Kampion me Benficën, tani ai është fermer: “Bëj

BRAZIL - Kampioni kombëtar me Benficën në 2009/10, Eder Luis u tërhoq nga fusha e futbollit në vitin 2020, pasi luajti për një kohë të shkurtër për Uberlândia dhe tani bën një jetë shumë të ndryshme nga ajo që tifozët e futbollit ndoshta idealizojnë për lojtarët në fund të karrierës së tyre. 

Ish-sulmuesi, tani 38 vjeç, u bë fermer në Uberlândia, në brendësi të Minas Gerais (Brazil), duke ndjekur linjën e asaj që kishte bërë gjithmonë familja e tij.

"Sot jam në bujqësi, punoj me bujqësi. Kjo shkon në familje, pasi babai im është fermer. Dhe unë shkoj në punë: nëse më duhet të pres dru, por të ngas traktor, do ta bëj. Të gjitha. Edhe qumështin e kam pompuar, por nuk e bëj më. Por di t'i bëj të gjitha. Sot kjo është puna ime”,- tha ish-sulmuesi duke folur për “Globoesporte”.

Në atë sezon kur u shpall kampion me Benficën 2009/10, Eder Luis u drejtua nga Jorge Jesus, një trajner që le gjurmë përgjithmonë. "Është ndryshe. Metodologjia e tij është interesante. Kam punuar me të vetëm për gjashtë muaj, por ai ishte trajneri më i mirë që kisha, deri atëhere. Më kujtohet një ndeshje të cilën e fituam, por pësuam një gol. Të nesërmen, ai foli vetëm për golin që pësuam”, kujtoi ai.

Kampion me Benficën, tani ai është fermer: “Bëj

Në të njëjtën intervistë, ish-sulmuesi tregon se Jorge Jesus u përpoq ta mbante, pas një gjysmë sezoni në Luz, por ai u kthye në Brazil për të luajtur për Vasco da Gama. "Jorge Jesus më thirri disa herë që të kthehesha.

Saviola do të largohej dhe ai donte që unë të kthehesha në vendin e tij. Por unë tashmë isha shumë mirë në Vasco, familja ime u përshtat në Rio de Janeiro dhe kështu qëndrova. Mendoj se nëse do të kisha nisur një sezon atje (te Benfica), ndoshta do të kisha pasur një karrierë pak më të mirë në Evropë”.

B.T (Dosja.al)

Sondazh

Poll

MË SHUMË