Aktualitet

I vodhën 17 000 euro në banesë, e "pësojnë" vëllai dhe kunata në Elbasan, Policia: Me paratë blenë makinë

Sipas policisë 38-vjeçari me inicialet E. M në bashkëpunim me gruan kanë vjedhur 17 000 euro në banesën e vëllait të tij.

4 Janar 2024, 11:51 Nga N.F
I vodhën 17 000 euro në banesë, e "pësojnë"
Foto ilustruese

ELBASAN- Policia e Elbasanit përmes një njoftimi ka bërë të ditur zbardhjen e një vjedhje të regjistruar në prill të vitit që lamë pas në fshatin Bathës. Pas një operacioni disa mujor u vendos në pranga një burrë dhe është proceduar penalisht gruaja e tij.

Sipas policisë 38-vjeçari me inicialet E. M në bashkëpunim me gruan kanë vjedhur 17 000 euro në banesën e vëllait të tij. Gjithashtu dyshohet se nga vjedhja e kësaj shume ata kanë blerë një makinë, e cila ështe sekuestruar.

Njoftimi i plotë:

Elbasan/Vijon operacioni policor mbarëkombëtar i koduar "Sundimi i ligjit". Zbardhet vjedhja e një shume parash në një banesë, si rezultat i një hetimi disamujor, me metoda proaktive, i zhvilluar në kuadër të operacionit policor të koduar "Bathës". Vodhi 17 000 euro në banesën e vëllait të tij, në muajin prill të vitit 2023, kapet dhe vihet në pranga 38-vjeçari i shpallur në kërkim. Procedohet penalisht bashkëshortja e tij, bashkëpunëtore në këtë vjedhje. Sekuestrohet 1 automjet që dyshohet se është blerë me shumën e parave të vjedhura.

Shërbimet e Komisariatit të Policisë Elbasan, në vijim të punës për zbardhjen dhe dokumentimin e vjedhjeve të ndodhura më parë dhe vënien e autorëve përpara përgjegjësise ligjore, pas një hetimi disamujor, me metoda proaktive, në bashkëpunim me Prokurorinë e Elbasanit, kanë organizuar dhe finalizuar operacionin policor të koduar "Bathës". Si rezultat i këtij operacioni u kap dhe u vu në pranga shtetasi E. M., 38 vjeç, banues në fshatin Bathës, në zbatim të urdhrit të ndalimit nga Prokurori, për veprën penale "Vjedhja".

Gjithashtu, u referuan materialet në Prokurori ku nisi procedimi në gjendje të lirë për shtetasen K. M., 37 vjeçe (bashkëshortja e shtetasit E. M.). Nga veprimet hetimore dyshohet se këta dy shtetas, më 23.04.2023, kanë vjedhur 17 000 euro në banesën e shtetasit M. M., në fshatin Bathës. Në cilësinë e provës materiale u sekuestrua automjeti i shtetasit E. M., të cilin ky shtetas dyshohet se e ka blerë me paratë e vjedhura. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

vjedhje para policia

Sondazh

Poll

MË SHUMË