Aktualitet

Nën akuzë për grup kriminal, Apeli i Posaçëm lë në burg Erzen Breçanin dhe Dedan Gjonin

Breçani dhe Gjoni apeluan vendimin e GJKKO-së për masën e sigurisë arrest me burg në Apelin e Posaçëm. 

4 Janar 2024, 10:04 Nga I.A
Nën akuzë për grup kriminal, Apeli i Posaçëm lë
Dedan Gjoni

TIRANË- Apeli i Posaçëm ka rrëzuar ankimimin e Dedan Gjonit dhe Erzen Breçanit për ndryshim të masës së sigurisë. Breçani dhe Gjoni apeluan vendimin e GJKKO-së për masën e sigurisë arrest me burg në Apelin e Posaçëm. Sipas njoftimit të Apelit, kundër këtij vendimi mund të bëhet rekurs në Gjykatën e Lartë, brenda 45 ditëve nga e nesërmja e njoftimit të tij.

Vendimi i Apelit:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 04.01.2024, ora 09:00, shpalli vendimin mbi çështjen penale nr. 61 akti, datë 26.12.2023 regjistrimi, regjistruar mbi ankimin e personave nën hetim B.M., B.A., D.Gj. dhe E.B., me objekt: “Ankim ndaj vendimit nr. 128, datë 23.11.2023 të Gjykatës së Posaçme të Shkallës së Parë për Korrupsionin dhe Krimin e Organizuar, i verifikuar me vendimin nr. 128, datë 23.11.2023, të kësaj gjykate” që ka disponuar në lëndë të masave të sigurimit personal, dhe vendosi: Miratimin e vendimit nr. 124, datë 17.11.2023, të Gjykatës së Posaçme të Shkallës së Parë për Korrupsionin dhe Krimin e Organizuar, i verifikuar me vendimin nr. 128, datë 23.11.2023, të kësaj gjykate; Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij.

Në 20 nëntor SPAK lëshoi 11 urdhër-arreste për goditjen e grupit të strukturuar kriminal. Nga këto urdhër arreste u ekzekutuan 5 prej tyre, arrestimi i Erzen Breçanit ish drejtor i Policisë së Tiranës, Dedan Gjoni shefi i krimeve në Komisariatin numër 6, Bujar Ajezi, Besmir Murati të cilët u lanë në burg nga GJKKO. Po ashtu në Spanjë u arrestuar Ismail Zeneli, për të cilin kanë nisur procedurat për ekstradim.

dedan gjoni erzen breçani

Sondazh

Poll

MË SHUMË