Aktualitet

U plagos me plumb qorr në Tiranë, vajzat e italianes: Policia se ndihmoi, po hasim në burokracira për ta transferuar në Itali

Po ashtu ato shkruajnë se po hasin burokraci për ta transferuar në Itali dhe se 52-vjeçarja ka ende plumbin në gjoks.

4 Janar 2024, 11:06 Nga I.A
U plagos me plumb qorr në Tiranë, vajzat e italianes: Policia se
Agata Carbonara

TIRANË- Vajzat e 52-vjeçares italiane, Agata Carbonara, që u plagos nga një plumb qorr më 1 janar në Tiranë, kanë kërkuar ndihmë për transferimin e mamasë së tyre në Itali. Me anë të një postimi në rrjetet sociale vajzat e 52-vjeçares shprehen se policia shqiptare nuk i dha ndihmë nënës së tyre. Po ashtu ato shkruajnë se po hasin burokraci për ta transferuar në Itali dhe se 52-vjeçarja ka ende plumbin në gjoks.

“Ajo që po përjetojmë është e paimagjinueshme. Sot rrezikojmë të humbasim nënën për shkak të një gjesti të papërgjegjshëm të një të çmenduri, i cili qëlloi në ajër, duke e goditur në mushkëri. Këto ditë, përveçse luftojmë për jetën e saj, ne jemi të detyruar të përballemi me një burokraci që pengon transferimin për në Itali. Pyesim veten se me çfarë guximi dy patrullat e policisë, duke parë nënën tonë e shpërfillës. E si ka mundësi që ajo ende pret, me një plumb në gjoks,” shkruajnë ato.

 

agata carbonara

Sondazh

Poll

MË SHUMË