TIRANË– Ish-kryeministri Sali Berisha ka publikuar sot një denoncim të rëndë, drejtuar numrit dy të qeverisë, zv/kryeministrit Erion Braçe.
Në statusin e tij në Facebook, Berisha shkruan se Braçe së bashku me kryebashkiakun e Divjakës janë të përfshirë në atentatin ndaj prokurorit të Durrësit Arjan Ndoja në Shkozet.
“Para disa ditësh në një lokal këtu në zonë është parë kryetari Fredi Kokoneshi me një person që ishte rreth 25-vjeç, djalë i ri, biond dhe i thërriste Gest. Të linte përshtypjen si Orges Bilbili dhe më pas erdhi edhe zv.kryeministri Braçe. Në bisedë e sipër Kokoneshi tha se donte që ta shikonte të katandisur prokurorin. ‘U bë ai që të dalë kundër nesh?’,-shkruante ndër të tjera qytetari.
Por kush është Orges Bilbili, “i porosituri” i supozuar i Braçes dhe Kokoneshit për atentatit ndaj Ndojës?
Bilbili bashkëpunëtori i Laert Haxhiut në vrasjet Lushnjë në 2017 dhe rezulton se është dënuar me 7 vite e 4 muaj burgim për trafikim lëndësh narkotike. Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili. Telashet për Bilbilin nuk përfundojnë këtu, pasi ai akuzohet edhe si bashkëpunëtor i pilotit italian Giorgio Riformato, avioni i të cilit, ngeci në bregdetin e Divjakës, teksa po përgatitej për të trafikuar lëndë narkotike nga Shqipëria për në Itali.
Teza që një prej autorëve mund të jetë nga Lushnja
Vetë Policia disa ditë më parë në një njoftim publik lidhur me zhvillimin e hetimeve për rastin Ndoja, ka treguar se ka zhvilluar kontrolle edhe në disa banesa në qytetin e Lushnjes.
“Për dokumentimin ligjor të këtij procedimi penal në lidhje me autorët e mundshëm të kryerjes së kësaj ngjarje të rëndë kriminale, me qëllim zbulimin dhe sekuestrimin e provave materiale që lidhen me autorët e kryerjes së kësaj ngjarjeje, iu kërkua Gjykatës së Shkallës së Parë për Krime të Rënda lejimi i kontrollit të banesave të 11 shtetasve me banim në Krujë dhe të katër shtetasve me banim në Tiranë dhe në Lushnjë.”
Denoncimi i plotë i ish-kryeministrit Sali Berisha:
Braçe i pluhurit me Kokoneshin e tij trafikant akuzohen te implikuar ne atentatin e Shkozetit! Lexoni denoncimin e qytetares dixhitale! sb Pershendetje doktor jam nje qytetare nga lushnja desha te beja nje denoncim per sa i perket atentatit te prokurorit arjan ndoj. para disa dites nje lokal ketu ne zone eshte pare kryetari fredi kokoneshi me nje person ishte rreth 25 vjec djal i ri bjond dhe i therriste gest te linte pershtypjen si orges bilbili dhe me mbrapa ka ardhur zv.kryemistri brace. ne bisede e siper z.kokoneshi ka thene e duam ta shikojme te katandisur ate prokuror u be ai te dali kunder nesh. te lutem jam familjare dhe dua te jem anonine se skam ndermend te kem fatin e shume njerzve te vrare ketu.
Atentati i 1 nëntorit, plagosja e prokurorit Arjan Ndoja, Rrumit të Shijakut dhe Andi Malokut
Një skenë hollivudi e krimit shqiptar u përsërit të shtunën në vendin e njohur si Mbikalimi i Shkozetit në Durrës. Makina tip “Benz”, ku po udhëtonte prokurori Arjan Ndoja, ra pre e një atentati, pasi një makinë tjetër “Benz”, ngjyrë gri, nisi të qëllonte me breshëri, duke lënë të plagosur të tri personat që po udhëtonin në këtë makinë.
Prokurori Arjan Ndoja, shoferi i tij, ish-polici i Krujës Andi Maloku dhe një person i akuzuar për një sërë ngjarjesh kriminale, Landi Muharremi (Aleksandër Laho), ngelën të plagosur pasi ndaj tyre u qëlluan mbi 20 plumba.
Atentatorët dyshohet se janë një skuadër vrasësish me pagesë, ndërsa pak orë pas ngjarjes në Ishëm, u gjet makina e tyre e padjegur, dhe brenda ndodheshin dy armët e përdorura në këtë atentat, përkatësisht dy kallashnikovë AK-47. Dosja i ka kaluar prokurorit Anton Martini, ndërsa Ndoja ka thënë se nuk i njeh autorët e atentatit. Për këtë ngjarje janë shoqëruar në Polici edhe të afërmit e Lul Berishës, Plaurent Dervishaj dhe Julian Meçe, të cilët pas dëshmisë janë lënë të lirë.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Tiranë– Në ‘Sheshin Skënderbej’ është duke u zhvilluar një protestë për mbrojtjen mjedisore, për mbrojtjen të pasurive natyrore, kundër ministrit të mjedisit B...
Tiranë- Ndërprerja e energjisë elektrike ditën e sotme në qytetin e Lushnjes për pak sa nuk i ka kushtuar jetën një 85-vjeçari. Ai ishte duke zbritur nga...
TIRANË- Personi që shihni në këtë foto të publikuar nga Vizion Plus është Redjan Rraja, 34 vjeç, i akuzuar si një nga autorët e atentatit ndaj proku...
DURRËS- Një 28-vjeçar turk është arrestuar në qytetin e Durrësit pasi ka tentuar që të kalojë kufirin me dokumente false. Turku është identifikuar s...
TIRANË– Policia ka shpallur në kërkim Saimir Moillin, i cili dyshohet se ka kërcënuar me jetë, ish-drejtuesin e lartë të Policisë Mit’hat Havarin. Dyshohet...
Tiranë- Për kapjen e 3.4 mln euro brenda makinës Toyota Yaris, ka ndryshuar masa e sigurisë për Edi dhe Klevi Likën, babë e bir. Për ta është ndryshuar masa e ...
TIRANË- Që prej fundjavës deti nuk ka parë qetësi për shkak të dallgëve dhe erërave të forta. E për pasojë tragedi i linjës Vlorë-Brindisi ka pezulluar s...
Tiranë- 4 ditë më parë u arrestua në Fier biznesmeni i naftës i shpallur në kërkim, Iljaz Fisheku, 60-vjeç pasi nuk kishte paguar 38.6 milionë lekë taksa...
TIRANË- Komisioni i Pavarur i Kualifikimit ka shkakrkaur nga detyra kreun e Gjykatës së Elbasanit, Sulejman Kurti. Sot është zhvilluar senaca në ngarkim të...
TIRANË– Prokurori Arjan Ndoji flet për herë të parë nga spitali për atentatin që iu gjashtë ditë më parë te mbikalimi i Shkozetit, teksa po udhëtonte me sh...