Politike

Berisha: Rezultatet e censusit janë katastrofike, në vend dalin 1 milionë e gjysmë shqiptarë

Në një takim me mbështetësit në Gjirokastër, Berisha tha se qeveria ka dërguar ekipe për të bërë verifikime në qyteza, qytete, fshatra dhe i dalin të njëjtat rezultate. Mijëra banesa bosh, fshatra të shkreta, lagje të boshatisura nga shqiptarët. 

16 Dhjetor 2023, 17:45 Nga a.l
Berisha: Rezultatet e censusit janë katastrofike, në vend dalin 1
Sali Berisha

GJIROKASTËR- Kryetari i PD-së, Sali Berisha i ka cilësuar rezultatet e censusit katastrofike, duke thënë se në vend dalin 1 milionë e gjysmë shqiptarë. Në një takim me mbështetësit në Gjirokastër, Berisha tha se qeveria ka dërguar ekipe për të bërë verifikime në qyteza, qytete, fshatra dhe i dalin të njëjtat rezultate. Mijëra banesa bosh, fshatra të shkreta, lagje të boshatisura nga shqiptarët. 

"Është koha e kthesës së madhe. PD me mosbindje civile duhet çdo ditë të bëjë gjithçka për destabilizimin e kësaj diktature të bandave, kësaj diktature të drogës dhe krimit. Ne jemi i vetmi vend ku të ardhurat e qytetarëve zvogëlohen nga viti në vit. Të ardhurat kombëtare rriten, oligarkët pasurohen dhe kalojnë në stratosferë me miliardat e tyre, pensionistët numërojnë kafshatën. Të rinjtë marrin rrugët e botës. A e dini çfarë ka ndodhur me censusin e fundit? Ka tre-katër muaj që ka përfunduar, rezultatet janë katastrofike. Rezultatet e para ishin 1 milionë e gjysmë shqiptarë. Çfarë po bën zotëria, po merr regjistrat e gjendjes civile dhe po i kalon në census. Kur Europa thotë se nga viti 2014 gjer sot kanë ardhur në territorin e saj 1.1 milionë shqiptarë si emigrantë ose azilantë, llogariteni vetë sa jemi ne sot. Dërgon ekipe për të bërë verifikime në qyteza, qytete, fshatra, i dalin të njëjtat rezultate. Mijëra banesa bosh, fshatra të shkreta, lagje të boshatisura nga shqiptarët. Çfarë do presim ne? Para dy vitesh ne lexuam se OKB parashikonte se pas 30 vitesh, ne nuk do ekzistonim. Po të ecim kështu, ju garantoj se përveç trafikantëve, pakkush do mbetet në këtë vend", tha Berisha. 

sali berisha

Sondazh

Poll

MË SHUMË