Sport

VIDEO/ Luis Enrique kënaqet me triumfin ndaj Monacos, e gjashta për PSG-në...

Skuadra e drejtuar nga Luis Enrique tani ka 30 pikë dhe ka rritur në katër pikë distancën me Nice, që e ndjek e dyta

25 Nëntor 2023, 07:30 Nga DOSJA

VIDEO/ Luis Enrique kënaqet me triumfin ndaj Monacos, e gjashta për

FRANCE - Me Gonçalo Ramos dhe Vitinha në qendër të vëmendjes, PSG mundi 5-2 Monacon këtë të premte, në hapjen e xhiros së 13-të të Ligue 1 dhe regjistroi fitoren e gjashtë radhazi në kompeticion. 

Goli i parë parizien erdhi nga Gonçalo Ramos, që përfitoi nga një mbrojtje jo e plotë e Philipp Hohn dhe shënoi pas 18 minutash. Monaco u përgjigj dhe, katër minuta më vonë, Takumi Minamino riktheu barazinë në tabelë. Në pjesën e fundit të pjesës së parë, PSG arriti të kalojë sërish në epërsi me anë të një penalltie të realizuar me sukses nga Kylian Mbappé (39'). 

Në pjesën e dytë u desh të pritej 25 minuta që goli të shfaqej sërish, por, kur u shfaq, dy të tjerë erdhën në një shpërthim. Në minutën e 70-të, Ousmane Dembélé gjeti golin e parë me fanelën e PSG-së dhe rriti epërsinë e parizienëve në 3-1. 

Dy minuta më vonë, vjen një tjetër gol, këtë herë nga Vitinha, i cili me një goditje të shkëlqyer jashtë zonës shënoi të katërtin për vendasit. Në të 75-tën, Folarin Balogun shkurtoi rezultatin për mysafirët, por Kolo Muani në 90+6’ mbylli ndeshjen me shifrat 5-2. 

Me këtë triumf, skuadra e drejtuar nga Luis Enrique tani ka 30 pikë dhe ka rritur në katër pikë distancën me Nice, e dyta, edhe pse ka luajtur një ndeshje më shumë se kundërshtari. Monaco është i treti, me 24.

B.T (Dosja.al)

 

Sondazh

Poll

MË SHUMË