Sport

Bielsa: “Nuk ka formulë për ta ndaluar Messin”

Trajneri i Uruguajit, në konferencën për shtyp siguroi se kur Leo nuk shkëlqeu nuk ishte sepse kishte një metodë efektive. Ai shpjegoi kthimin e Suarezit.

11 Nëntor 2023, 13:00 Nga DOSJA

Bielsa: “Nuk ka formulë për ta ndaluar Messin”

URUGUAJI - Marcelo Bielsa ka dhënë një konferencë për shtyp para ndeshjes kundër Argjentinës, të enjten e ardhshme, në orën 21:00 në ‘La Bombonera’. Trajneri i Uruguajit u shpreh për disa tema, deri në atë pike, sa i tha zëdhënësit të shtypit se nuk donte që pyetjet të kufizoheshin. Një pyetje e parashikueshme ishte se çfarë mendonte ai për të zvogëluar ndikimin e Lionel Messit.

"Nuk ka asnjë trajner, që para se të përballet me Messin, që të mos pyetet se si ta zvogëlojë lojtarin. Nëse i kategorizon përgjigjet, do të shohësh se asnjëra nuk ka qenë efektive. Nuk ka asnjë formulë, apo procedurë efektive për të ndaluar Messin, lojtarin më të mirë në botë dhe pa dyshim për mendimin tim...

Pra, nëse askush nuk ka gjetur një formulë, duhet ta kuptoni... Messi ka luajtur ndeshje në të cilat nuk ka shkëlqyer, por jo se është  përdorur një metodë e pagabueshme. Mendoj se ndonjëherë duhet të pyesni se çfarë do të ishte e përshtatshme për ta penguar atë të luajë mirë. 

Uruguaji ka futbollistë cilësorë për t'u përballur me Argjentinën pa masa paraprake të ekzagjeruara, që të kufizojë performancën e tyre. Ndërtimi i një modeli që shkon kundër aftësive të lojtarëve të shquar në ekipeve do të ishte një gabim,"- shtoi trajneri.

Bielsa: “Nuk ka formulë për ta ndaluar Messin”

"Në çdo fushë dhe kundër çdo rivali, ne do të përpiqemi të dominojmë. Ndeshja kundër Argjentinës nuk do të jetë në asnjë mënyrë e lehtë. Ata luajnë në një nivel shumë të mirë, tha trajneri. - Por ne po shkojmë me synimin për të dominuar lojën. Dalja për të mbrojtur veten ka filluar të pranojë se loja është e humbur,” - u shpreh trajneri i Uruguajit, Bielsa.

Përveç kësaj, trajneri iu referua edhe rikthimit të ‘Pistoleros’. "Realiteti i Suárezit nuk ka ndryshuar; gjithmonë performanca e tij shprehet me gola. Nëse ai luan shumë mirë dhe nuk shënon, nuk do të ndihej mirë. Dhe nëse nuk luan mirë dhe shënon, do të ndihet mirë sepse objektivi i tij është goli për shkak të pozicionit në të cilin luan dhe karakteristikave të tij.

Bielsa: “Nuk ka formulë për ta ndaluar Messin”

Ajo që unë besoj është se performanca ka qenë e barabartë. Çfarë tregon që një lojtar luan mirë, përveç se shënon gola? Asistimi. Ka dy aspekte që përmbysin realitetin e Suárez: ai asiston dhe konverton. Ai është sulmuesi më i mirë në Brasileirao. Ju të gjithë e dini se kjo gjeneron përfundime të pakundërshtueshme”,- tha tekniku nga Rosario.

Bielsa ka dhënë konferencën për shtyp, pa bërë të ditur listën përfundimtare, e cila do të shpallet mbrëmjen e së dielës. Ndaj nuk u konfirmua nëse në skuadër do të jetë edhe Edinson Cavani, pasi ishte në listën rezervë. Duke qenë se trajneri foli për jo më shumë se 25 lojtarë në skuadër, supozohet se sulmuesi i Bocas nuk do të jetë pjesë e saj. Por asgjë nuk mund të certifikohet derisa AUF ta zyrtarizojë listën.

B.T (Dosja.al)

Sondazh

Poll

MË SHUMË