Sport

Ancelotti për Guler: “Ai është në depresion sepse është i ri dhe dëshiron të luajë”

Problemet e dëmtimit për talentin 18-vjeçar turk duket se po vazhdojnë.

11 Nëntor 2023, 10:30 Nga DOSJA

Ancelotti për Guler: “Ai është në depresion sepse

SPANJE - Trajneri i Real Madridit, Carlo Ancelotti, ka zbuluar një problem të ri me ndërkombëtarin turk Arda Guler në konferencën e tij për shtyp para ndeshjes me Valencia nga La Liga.

Fatkeqësisht, Arda Güler është dëmtuar përsëri para ndeshjes me Bragën. Ai dukej i padëmshëm, por kishte dhimbje. Nuk mendoj se është serioze. Ai është në depression, sepse është i ri dhe dëshiron të luajë”, tha Ancelotti.

“Është një hap prapa për të, por ai duhet të rikuperohet plotësisht. Dëmtimi tij i parë ishte një këputje e meniskut vitin e kaluar. Ai u operua, por me këto dëmtime, gjatë rikuperimit, mund të keni probleme me muskujt, sepse ndryshoni qëndrimin. Pikërisht kështu ndodhi”, shpjegoi italiani.

“E ardhmja e tij është e mirë. Ai ka talent të madh. E kuptoj që është i frustruar, por është vetëm një problem muskulor. Kam eksperiencë personale sepse kur isha 21 vjeç më duhej të ndaloja për dy vjet dhe më pas u ktheva. E ardhmja e Guler nuk vihet në dyshim”, është i bindur Carlo Ancelotti.

B.T (Dosja.al)

Sondazh

Poll

MË SHUMË