Sport

Firmino tregon marrëdhëniet e tensionuara mes Mo Salah dhe Sadio Mané...

Braziliani kujton përleshjet e vazhdueshme mes dy sulmuesve të 'Reds'

9 Nëntor 2023, 17:23 Nga DOSJA

Firmino tregon marrëdhëniet e tensionuara mes Mo Salah dhe Sadio

ANGLI - Roberto Firmino, lojtari i Al-Ahli, sqaroi, në një fragment nga libri i tij i botuar nga “The Guardian”, se si ishte marrëdhënia e tensionuar mes Mohamed Salah dhe Sadio Mané, të cilët, disa herë zemëroheshin jashtë, por edhe në fushë.

“I njihja të dy shumë mirë, ndoshta më mirë se kushdo tjetër. Në fushë isha në mes të dyve. Shihja menjëherë shikimet, grimasat, gjuhën e trupit, pakënaqësinë kur njëri ishte i mërzitur me tjetrin. Unë mund ta ndjeja atë. Unë isha lidhja mes të dyve në lojën tonë sulmuese dhe ‘zjarrfikësi’ në ato momente. 

Për shumë, ajo mosmarrëveshje midis Sadios dhe Mo ishte e para (Episodi i tunelit të hyrjes në fushë, kur ishte e qartë se të dy ishin mjaft të mërzitur); për disa, e para dhe te fundit. Por e dija që kjo kishte ndodhur që nga sezoni i kaluar, 2018-19. Instinkti dhe detyra ime ishte të qetësoja situatën mes tyre. Hidhja ujë në zjarr, kurrë benzinë”, tregon braziliani.

Kur foli për marrëdhënien e nxehtë mes të dyve, Firmino kujtoi edhe një episod në tunelin që çon në fushë, kur braziliani bëri një fytyrë kur ishte në mes të Salah dhe Mané: “Pse e bëra atë fytyrë? Unë me të vërtetë nuk e di. Por ishte qesharake, kjo është e sigurt. 

Edhe sot e kësaj dite, memet vijnë ende në telefonin tim, ose më dërgohen në rrjetet sociale. Ne ishim në tunel, duke u kthyer në dhomën e zhveshjes, pas një fitoreje bindëse 3-0 ndaj Burnley-t. Atmosfera ishte dukshëm e tensionuar. Pavarësisht rezultatit të mirë, ndeshja u shënua nga një shpërthim zemërimi nga Sadio Mané, kur u zëvendësua në minutat e fundit”.

“Kamera kapën gjithçka. Sadio nuk ishte vetëm i zemëruar nga zëvendësimi: pak më herët, Mohamed Salah kishte tentuar një goditje në portë, duke mos bërë një pasim të pastër për Mané, i cili ishte i lirë brenda zonës. Epo, anglishtja ime nuk është e mrekullueshme, kështu që nuk mund të them saktësisht se çfarë bërtiti Mané, kur u largua. Por nuk ishte aspak e bukur! James Milner u përpoq ta qetësonte, por Sadio mbeti i tërbuar, duke u ulur i tërbuar në stol”,- shtoi ai.

B.T (Dosja.al)

Sondazh

Poll

MË SHUMË