Sport

VIDEO/ Chelsea mundi 4-1 Tottenhamin, në një ndeshje me katër gola të anuluar dhe dy kartona të kuq...

Derbi i Londrës/ Chelsea mposhti 4-1 rivalin Tottenham dhe iu rikthye fitoreve në Premier League.

6 Nëntor 2023, 23:34 Nga DOSJA
VIDEO/ Chelsea mundi 4-1 Tottenhamin, në një ndeshje me katër

ANGLI - Lojë e çmendur në derbin e Londrës! Një ndeshje me pesë gola, dy përjashtime, katër gola të anuluar dhe një penallti, Chelsea mposhti 4-1 rivalin Tottenham dhe iu rikthye fitoreve në Premier League. 

Madje Tottenham e nisi fuqishëm ndeshjen dhe arriti të kalojë në epërsi në minutën e 6-të, falë golit të Dejan Kulusevskit, me ndihmën e një devijimi fatkeq të Levi Colwill. Në minutën e 23-të, u shfaq momenti i parë i debatit në derbin e Londrës: Sterling barazoi ndeshjen, por goli përfundoi duke u anuluar, pasi VAR zbuloi një top me dorë nga sulmuesi anglez para goditjes. 

Tetë minuta më vonë, Cristian Romero ndëshkohet direkt me karton të kuq. I thirrur për të kthyer penalltinë në gol, Cole Palmer (35’) nuk u drodh dhe fiksoi rezultatin e pjesës së parë në 1-1. 

Dhjetë minuta në pjesën e dytë mjaftuan për një tjetër moment kyç në ndeshje: Destiny Udogie mori kartonin e dytë të verdhë dhe u përjashtua me karton të kuq, duke lënë Tottenham të luajë me nëntë. 

Skuadra e Ange Postecoglou rezistoi ende për njëzet minuta, por Chelsea përfundoi duke përfituar nga epërsia e dy lojtarëve dhe duke shënuar tre gola të tjerë, falë një “hat trick”-u të Nicolas Jackson (75', 90’+4', 90’+7'). 

Me këtë rezultat, Tottenham mbetet pas epërsisë sp Man.City, i cili tani kryeson i vetëm, me një pikë më shumë se londinezët (27 pikë kundrejt 26). Chelsea ngjitet në vendin e 10-të, me 15 pikë.

B.T (Dosja.al)

Sondazh

Poll

Sport 6 Nëntor 2023, 22:29

Shakhtior Donetsk, klubi në luftë…

UKRAINE - Shakhtior Donetsk pret Barcelonën të martën (18:45) në “Volksparkstadion” të Hamburgut në Gjermani, për...

MË SHUMË