Sport

MIQESORE/ Anglia - Brazil, në “Wembley” në mars të vitit 2024...

Anglia dhe Brazili do të luajnë një ndeshje miqësore më 23 mars 2024 në “Wembley”. E para që nga viti 2017.

6 Nëntor 2023, 22:47 Nga DOSJA
MIQESORE/ Anglia - Brazil, në “Wembley” në mars të

ANGLI - Brazili do të sfidojë Anglinë në një ndeshje miqësore më 23 mars 2024 në “Wembley”, njoftoi të hënën Konfederata Braziliane e Futbollit (CBF). Dy skuadrat nuk janë përballur me njëra-tjetrën që nga nëntori i 2017-ës, një takim miqësor, i luajtur tashmë në shtëpinë e “Tre Luanëve” (0-0).

“Qëllimi është gjithmonë organizimi i ndeshjeve të kombëtares braziliane kundër ekipeve të mëdha, veçanërisht skuadrave kampione të botës, në mënyrë që të kemi përballje teknike të nivelit të lartë, të cilat na lejojnë gjithashtu të vlerësojmë performancën e kombëtares braziliane në teste si këto”,- tha presidenti i federatës, Ednaldo Rodrigues.

Në qershor, Brazili konfirmoi një ndeshje miqësore kundër Spanjës në stadiumin “Santiago Bernabeu”, e planifikuar gjithashtu për dritaren ndërkombëtare në mars 2024. Nga ana e saj, Anglia do të sfidojë Belgjikën në “Wembley” tre ditë pas ndeshjes së tyre kundër Seleçãos.

B.T (Dosja.al)

Sondazh

Poll

Sport 6 Nëntor 2023, 22:29

Shakhtior Donetsk, klubi në luftë…

UKRAINE - Shakhtior Donetsk pret Barcelonën të martën (18:45) në “Volksparkstadion” të Hamburgut në Gjermani, për...

MË SHUMË