Sport

Titullarët do të kthehen te Manchester United, për derbin me Cityn e Guardiolës...

Casemiro dhe Aaron Wan-Bissaka kthehen në radhë për Djajtë e Kuq

27 Tetor 2023, 21:01 Nga DOSJA
Titullarët do të kthehen te Manchester United, për derbin me

ANGLI - Të dielën është derbi i Mançesterit, ku United dhe City do të përballen në “Old Trafford” në orën 18:30. “Djajtë e Kuq” kanë marrë një lajm të mirë përpara derbit të qytetit, me Erik ten Haag që do të përforcohet me dy lojtarë për përballjen.

Mesfushori brazilian Casemiro dhe mbrojtësi Aaron Wan-Bissaka po stërviten me shpejtësi të plotë me pjesën tjetër të bashkëlojtarëve të tyre. 

Mbrojtësi i djathtë do të jetë plotësisht në formë dhe mund të startojë nga minuta e parë kundër Cityt, nëse Ten Haag vendos t'i japë një votëbesim, ndërsa situata e Casemiro do të vlerësohet një ditë para ndeshjes, me ish-mesfushorin e Real Madridit që pritet të jetë në stol.

Erik ten Haag nuk do të përdorë sërish Jaden Sancho, i cili ka mbetur jashtë skuadrës. Në derbin e Mançesterit mungojnë edhe Amad Diallo, Tyrrell Malacia, Lisandro Martinez dhe Luke Shaw, të dëmtuar përgjithmonë.

Formacioni i mundshëm i Manchester United do të jetë: Andre Onana, Sergio Regillon, Harry Maguire, Raphael Varane, Diogo Dalot, Amrabat, McTominay, Bruno Fernandes, Marcus Rashford, Rasmus Heylund, Antony.

B.T (Dosja.al)

Sondazh

Poll

MË SHUMË