TIRANË- Kreu i grupit parlamentar të Partisë Socialiste, Taulant Balla ka deklaruar në seancën e sotme që Kodi Zgjedhor të përmbyllet deri për Krishtlindje, ndërsa ka përshëndetur vendimin e Komisionit të posaçëm të Reformës zgjedhore për të bërë ndryshime në çështjen e financimit të partive.
Balla ka përmendur edhe çështjen e financimeve për PD-në. Nga ana tjetër kreu i grupit socialist, njësoj si opozita tha se dokumenti i Bundestagut është udhërrëfyesi më i mirë.
Nga ana tjetër, Balla foli edhe për rezolutën e Parlamentit Europian në lidhje me ‘mosçeljen e negociatave’.
Balla deklaroi nga foltorja e Kuvendit se deri në Pranverën e ardhshme, edhe ata që janë kundër do të ndryshojnë mendje, në mënyrë që të riparohet ai gabim strategjik.
“Kjo seancë është një risi në punën parlamentare. Ka plot mekanizma të tjerë, të cilat qeveria përfshihet në detyrimin në afat të caktuar për të sjellë përgjigje. Nuk ka sot një kërkesë të refuzuar nga ana e ministrave.
Kam pasur mundësinë të isha prezent të PE të enjten, teksa diskutohej dhe miratohej rezoluta. Jam ndjerë krenar që eurodeputetët të mbanin në duar flamurin e Shqipërisë dhe Maqedonisë së Veriut.
Holandezë, danezë dhe francezë e thanë qartë se vendimi i 18 tetorit ishte një gabim strategjik. Do doja t’iu thoja qytetarëve që është hera e parë që në PE kemi një shumicë, të cilat shprehën bindjen se Shqipëria ka ecur para në realizmin e reformës në drejtësi.
PE i sugjeron edhe vendeve të tjera të ballkanit perëndimor, ta marrin si referencë e reformës në drejtësi, realizuar nga Shqipëria. Halli i opozitës rrugore nuk zgjidhet dot. Ata ikën vetë nga kuvendi. Është koha për të treguar se bojkotet demokratike nuk të çojnë asgjëkundi.
Arsyetimi i mosmarrjes së vendimit ka të bëjë më çështje të brendshme në BE. Doja të bëja thirrje deputetëve se është në detyrën tonë historike që të vijojmë punën.
Instrumenti i vënë në dispozicion nga bundestagu është udhërrëfyesi më i mirë. Deri në pranverën e ardhshme, edhe ata që janë kundër do të ndryshojnë mendje, se duhet riparuar ai gabim strategjik”,u shpreh Balla.
Në fjalën e tij, Balla iu kujtoi partive të opozitës por edhe Presidentit të Republikës, të reflektojnë mbi qasjen e partive simotra të përfaqësuara në PE.
“Është një moment dhe atyre që ju kanë sjellë ju në këtë sallë, partive respektive, PD-së në radhë të parë si një prej partive më të rëndësishme në këto 28 vite të shikojë, të reflektojë mbi qasjen e partive simotra të veta të përfaqësuara në PE, PPE. Është e paimagjinueshme, gjuha që përdor gjuha PD në Shqipëri e për fat të keq edhe Presidenti i Republikës në fajësinë lidhur me mosvendimin e Këshillit Europian dhe Partia ose grupimi i PPE. Në mocionin për rezolutën të propozuar nga deputetët e PPE ku spikat patjetër zoti Mçallister flitet qartë që Shqipëria i ka përmbushur të gjitha detyrimet e saj në rrugën për fillimin e bisedimeve dhe padyshim procesi i fillimit të bisedimeve, marrëveshja për anëtarësim është një proces i gjatë, nuk është anëtarësim por padyshim përfundon me anëtarësim. Dhe unë sot do doja t’iu bëja thirrje deputetëve të opozitës këtu në këtë sallë, është në detyrën tonë historike që ne të vijojmë punën për realizimin e detyrave të shtëpisë sepse hapeshin apo nuk hapeshin bisedimet më 18 tetor ne padyshim që kemi detyra shtëpie të cilat duhet t’i realizojmë.
Dhe unë mendoj që instrumenti i vënë në dispozicion nga Bundestagu përmes disa hapave konkretë është udhërrëfyesi ynë më i mirë. Ne duhet ta përmbyllim Kodin zgjedhor sipas rekomandimeve të ODIHR deri në Krishtlindje. Sepse padyshim që deri në pranverën e ardhshme dhe pastaj deri në Samitin e Zagrebit edhe ata që janë kundër vijimit të procesit të zgjerimit do të kenë ndryshuar mendje sepse gabimi strategjik i bërë më 18 tetor do duhet riparuar menjëherë dhe më pas dua ta përshëndes vendimin e Komisionit të Posaçëm të reformës zgjedhore për të bërë edhe ndryshimet e domosdoshme në ligjin për financimin e partive politike. Duhet ta ndryshojmë, kemi pasur një rast tepër të rëndë në Shqipëri 2 vjet më parë, teksa PD është sot në akuzë publike, kryetari i saj për financime të dyshimta. Ne duhet ti presim rrugën çdo lloj financimi të dyshimtë për çdo parti politike përfshi dhe fushatat zgjedhore”, deklaroi Balla.
Tirana është boshatisur për ditët e pushimit. Cilën nga ritet e shenjta po ndiqni:
Tiranë– Deputetja e opozitës së re Rudina Hajdari ka deklaruar se kryeministri Edi Rama ka anuluar takimin me presidentin e Maqedonisë vetëm 30 minuta para se t...
Tiranë- Deputetja Rudina Hajdari ka deklaruar se është kërcënuar në zyrën e saj. Menjëherë pas kësaj deklarate të fortë ka reaguar edhe kreu i Kuvendit Gramoz R...
TIRANË– Deputetja e opozitës së re Rudina Hajdari ka deklaruar sot në Kuvend se është kërcënuar në zyrën e saj.Hajdari i kërkoi kreut të Kuvendit, Gramoz R...
Tiranë– Nis me debate seanca plenare. Kujtim Gjuzi është përplasur me kreun e Kuvendin Gramoz Ruçin.Debati: Gjuzi: Në seancën e kaluar keni shkelur rregu...
Shqipëri- 13 krybashkiakë të Partisë Socialiste nuk kanë deklaruar shpenzimet që kanë bërë si kandidatë në fushatë për zgjedhjet lokale të 30 qershorit. Në rapo...
Tiranë- Pedagogu Hysamdin Feraj ka zbardhur sipas tij takimin Edi Rama Albin Kurti që u zhvillua pas ditë më parë në Tiranë.Feraj shprehet se Rama në takim i ka...
TIRANË– Ish-kryeministri Sali Berisha ka pritur në një takim liderin e Vetëvendosjes dhe kryeministrin e ardhshëm të Kosovës, Albin Kurti.Detajet e takimit...
TIRANË- Kreu i Lëvizjes VetëVendosje Albin Kurti është takuar me liderin demokrat Lulzim Bashën.Të dy kanë drekuar së bashku për plot 3 orë, në prani të is...
TIRANË– Presidenti Ilir Meta ka zhvilluar një takim me kryeministrin e sapozgjedhur të Kosovës, Albin Kurtit.Në një reagim zyrtar, Meta shkruan se e ka uru...