Sport

“I çmendur”! Nga futbolli në botën e muzikës: Cantona zyrtarizon albumin e parë dhe ka një turne të shitur…

'I'll Make My Own Heaven' del në shitje në datën 20 dhe do të ketë këngë në anglisht dhe frëngjisht

15 Tetor 2023, 13:00 Nga DOSJA
“I çmendur”! Nga futbolli në botën e muzikës:

FRANCE - I pandershëm, karizmatik dhe pak i ‘çmendur’, ish-futbollisti Eric Cantona bashkon të gjithë përbërësit e denjë për një artist të vërtetë. 

Pasi shkëlqeu në fushë, veçanërisht duke veshur fanelat e Manchester United dhe kombëtares franceze, ish-futbollisti 57-vjeçar vendosi t'i futet botës së muzikës dhe njoftoi këtë të shtunë publikimin e albumit të tij të parë, me titull 'I'll Make My Own Heaven'. Ai do të dali në shitje më 20 të këtij muaji (të premten e ardhshme) dhe do të ketë këngë në anglisht dhe frëngjisht.

"Vetëm ekzistenca ime mund të shkruajë në këtë mënyrë. Pse të filloj sot, kaq shumë vite më vonë? Thjesht sepse nuk kisha kohë më parë. Gjatë izolimit, më në fund arrita ta provoja seriozisht kitarën dhe pavarësisht se vazhdova të isha një kitarist mediokër, u ndjeva mjaft i sigurt për të kompozuar disa këngë.

Do të filloj në Mançester, sepse është një qytet që më ka lënë përshtypje të madhe. Për futbollin, sigurisht, por edhe për atmosferën e përgjithshme “, tha ish-lojtari në prononcimet e cituara nga ‘Daily Mail’ dhe ‘The Sun’.

Eric Cantona ka planifikuar tashmë një turne për ditët e fundit të këtij muaji, mes Mançesterit, Londrës dhe Dublinit, i cili është i shitur.

B.T (Dosja.al)

Sondazh

Poll

MË SHUMË