Sport

E BUJSHME! Tërhiqet sheiku i Katarit nga gara për blerjen e Manchester United…

Mos shlyerja e detyrimeve, mesa duket nuk e ka bindur familjen Glazer për të shitur klubin

15 Tetor 2023, 08:00 Nga DOSJA
E BUJSHME! Tërhiqet sheiku i Katarit nga gara për blerjen e Manchester

ITALI - Sheiku Jassim bin Hamad al-Thani ka hequr dorë nga lëvizja për blerjen e Manchester United, raporton gazetari italian Fabrizio Romano këtë të shtunë. 

Oferta e fundit nga miliarderi katar, djali i kryeministrit, të Katarit Hamad bin Jassim Al Thani, u vlerësua në pothuajse 7 miliardë dollarë (6.7 miliardë euro) për 100 për qind të kapitalit aksionar të klubit anglez, përveç shlyerjes së detyrimeve. Por mesa duket kjo nuk e ka bindur familjen Glazer për të shitur klubin.

I njëjti gazetar shton gjithashtu se burime të lidhura me Sheik Jasimin nuk pranuan të komentojnë këtë informacion, duke përmendur "kufizimet e konfidencialitetit", por konfirmuan se ai vetë tashmë është tërhequr nga procesi i blerjes dhe shitjes së Manchester United.

Duhet theksuar se me tërheqjen e sheikut Jassim bin Hamad al-Thani, miliarderi britanik Jim Ratcliffe po kryeson këtë garë për blerjen e Manchester United, diçka që tashmë ishte raportuar më parë.

B.T (Dosja.al)

Sondazh

Poll

MË SHUMË