Sport

Yann Sommer tregon aventurën bavareze: “Kam përjetuar një situatë jashtëzakonisht të egër te Bayern”...

Portieri I kombëtares zvicerane që luan për Interin kaloi vetëm gjashtë muaj në klubin gjerman

15 Tetor 2023, 11:00 Nga DOSJA
Yann Sommer tregon aventurën bavareze: “Kam përjetuar një

ITALI - Yann Sommer firmosi për Bayern Munich në merkaton e fundit të dimrit, për të zëvendësuar Manuel Neuer, i cili u dëmtua rëndë gjatë pushimeve. Megjithatë, qëndrimi i tij në Gjermani ishte i shkurtër. Në verë, portieri zviceran kaloi te Interi dhe tani ka vendosur të flasë për atmosferën në kampionët e Gjermanisë.  

"Kam përjetuar një situatë jashtëzakonisht të egër te Bayern. Shkarkime, ndryshime, shumë trazira dhe probleme të ndryshme përtej sportit. Mësova se si funksionojnë gjërat në Bayern. Filllimisht zgjidhnin një ose dy lojtarë për të folur dhe më pas mediat ikin.

Pastaj zgjidhen dy të rinj. Më pas erdhi radha ime. Por nuk më pëlqeu të mbroja veten publikisht. Më e rëndësishmja ishte të luaja dhe të ndihmoja ekipin të ishte i suksesshëm. Fatmirësisht, në fund gjithçka përfundoi mirë",- ai tha në një prononcim për gazetën “Blick”. 

Lidhur me kritikat që ka marrë në Gjermani, Yann Sommer ka shpjeguar se ato nuk e kanë prekur: "Sigurisht që ndonjëherë ka qenë e pakëndshme, por kritika është pjesë e jetës dhe unë mund t'i përballoj mirë. Nuk mbaj inat. Nëse dikush ka një opinion dhe publiku është brenda të drejtave të tij”.

Kur u pyet për dallimet mes Bayernit dhe Interit, portieri nuk kishte asnjë dyshim: "Bayerni është shumë profesionist në organizim. Punëtorët janë shumë të ngrohtë dhe të drejtpërdrejtë.

Te Inter, gjithashtu kujdesen që lojtarët e rinj dhe familjet e tyre të ndihen rehat, sa më shpejt të jetë e mundur. Në Itali, mentaliteti është pak më ndryshe dhe shumë pasionant. Presioni është i njëjtë në të dy klubet. Qëllimi është të jemi gjithmonë të suksesshëm".

B.T (Dosja.al)

Sondazh

Poll

MË SHUMË