Aktualitet

Ish maturantja e "Mehmet Akif" në protestën e Mjekësisë: Në maturë na mbyllën shkollën, në universitet askush nuk na njohu me kontratën

Studentja përbën një rast të veçantë duke qenë se është një studente e vitit të parë që vjen si maturante e kolegjit “Mehmet Akif”, i cili u mbyll nga qeveria me vendim të Këshillit të Ministrave.

11 Tetor 2023, 10:22 Nga h.k
Ish maturantja e "Mehmet Akif" në protestën e
Protetesta e studenteve

TIRANË-Një studente e Universitetit të Mjekësisë ditën e sotme ka folur për mediat lidhur me përballjet e padrejta sipas saj që ka hasur gjatë shkollimit. Studentja përbën një rast të veçantë, duke qenë se është një studente e vitit të parë që vjen si maturante e kolegjit “Mehmet Akif”, i cili u mbyll nga qeveria me vendim të Këshillit të Ministrave.

Studentja thotë se doli nga protesta si maturante dhe vjen sërish në protestë në Universitetin e Mjekësisë, si një seri padrejtësish që vazhdon. Nga ana tjetër studentja theksoi se ka një “kurth” për studentët të cilët do të japin provimin digjital për pranimin në mjekësi paralelisht dhe me firmosjen e kontratës. Ajo u shpreh se nuk ka qenë e informuar për kontratën dhe për tarifën e majme.

"Unë jam studentet e vitit të parë dhe jam përballur me problematika dhe në maturë, ku si maturante e në Mehmet Akif u përballa me mbylljen e shkollës. Më duhet të them që sa kemi hyrë kemi hasur një padrejtësi, sepse askush nuk ka informuar për kontratën dhe për tarifën e majme. Nga maturante deri tani si student unë vijojë të protestojë për padrejtësinë që bëhët. Provimi i digjitalizuar i mjekësisë do të bëhet dhe me firmosjen e kontratës dhe ky është një kurth. E theksoj se nuk  na u paraqit kontrata dhe një padrejtësi në çdo aspect të mundëshëm. Jemi pritur me këmbët e para që në vitin e parë."-tha studentja e vitit të parë. 

protesta e studenteve te mjekesise

Sondazh

Poll

MË SHUMË