Aktualitet

I dhurojnë flamurin autokton/ Protestës së Mjekësisë i bashkohen studentët nga Kosova: Jemi nga të gjitha trevat

Dy ditë më parë studentët bën të njohur tre kërkesat ndaj qeverisë dhe njoftuan dërgimin e ligjit në Gjykatën Kushtetuese.

11 Tetor 2023, 09:50 Nga h.k
I dhurojnë flamurin autokton/ Protestës së Mjekësisë i
Protetesta e sotme

TIRANË-Studentët e Universitetit të Mjekësisë vijojnë dhe ditën e sotme protestën e radhës kundër ligjit që i detyron ata të qëndrojnë në Shqipëri pas mbarimit të shkollës. Dy ditë më parë studentët bën të njohur tre kërkesat ndaj qeverisë dhe njoftuan dërgimin e ligjit në Gjykatën Kushtetuese dhe dorëheqjen e zv.ministres Albana Tole. 

Protesta e tyre ka hyrë në javën e dytë dhe mësohet se nga vitet e dyta deri në vitet e gjashta studentët kanë bojkotuar plotësisht. Një pjesë e vogël nga vitet e para vijon të zhvilloj mësimin. 

"Fillimisht flamuri na u dhurua nga trevat, vecanërisht nga studentët e Kosovës të cilët studiojnë dhe janë bashkuar në protestë. Nga ana tjetër shprehëm dhe mbështetjen tonë patriotike për Kosovën. Sot ne do të vijojmë marshimin duke qenë se deri më tani askush nuk na ka kthyer një përgjigje. Protesta do të jetë dhe më e fortë në ditët në vijim. Shpresojmë të marrim një përgjigje. Do vazhdojmë bojkotin deri sa të pëezullohet ligji. E kërkojmë dorëheqjen zv.ministres së Arsmit për deklaratën e saj skandaloze, që tha se nëse nuk e firmosin kontratën le të lënë mësimin."-është shprehur një nga studentët.

Pse po protestojnë studentët e mjekësisë?

Për dy javë rresht, dhjetëra studentë të mjekësisë kanë bojkotuar mësimin, duke protestuar para Universitetit të tyre si dhe para Kuvendit, ndërsa sot janë zhvendosur para Ministrisë së Arsimit duke kërkuar anulimin e një projekt-ligji, që parashikon punësimin e tyre të detyruar deri në 5 vjet pas përfundimit të studimeve. Projekt-ligji u kërkon studentëve të mjekësisë që të nënshkruajnë një marrëveshje, sipas të cilës, ata do ta tërheqin diplomën e studimeve pas një punësimi 5-vjeçar në sistemin shëndetësor shqiptar. Por studentët deklaruan gjatë protestës, që nëse nisma nuk anullohet, ata do të bojkotojnë vitin akademik. Projekt-ligji parashikon një marrëveshje me studentët e Mjekësisë, që ata të punojnë deri në 5 vite brenda vendit pas përfundimit të studimeve, në sektorin publik dhe atë privat. Edhe diplomën ata mund ta marrin vetëm pas punësimit 5 vite në sistemin shëndetësor shqiptar pas mbarimit të studimeve. Duhet shtuar se ditën e Martë, Bordi i Administrit të Universitetit të Mjekësisë ka miratuar dhe kontratën bashkë me tarifat sipas vendimit të Këshillit të Ministrave që i detyron qëndrimin 3-vjeçar të studentëve pas diplomimit.

protesta e studenteve te mjekesise

Sondazh

Poll

MË SHUMË