Aktualitet

‘Flakë në det’/ SPAK sekuestron 11 pasuri të trafikantëve, mes tyre restoranti i nipit të Çelës, makina dhe mjete lundruese

Në mesin e pronave të sekuestruara është edhe restoranti 'Royal Blue' të Nderim Çelës, nip i Gëzim Çelës

11 Tetor 2023, 10:09 Nga A.B
‘Flakë në det’/ SPAK sekuestron 11 pasuri të
Restoranti Royal blue i sekuestruar dhe Gëzim Çelaj

TIRANË- Struktura e Posaçme kundër korrupsionit dhe krimit të organizuar (SPAK) ka sekuestruar 11 pasuri të trafikantëve që u vunë në pranga në kuadër të operacionit antidrogë ‘Flakë në det’. Në mesin e pronave të sekuestruara është edhe restoranti 'Royal Blue' të Nderim Çelës, nip i Gëzim Çelës.

Po ashtu, mjete të llojeve të ndryshme, mjete lundurese, gomone dhe shuma të mëdha janë sekuestruar nga SPAK. 

NJOFTIMI i PLOTË:

Pasuritë e sekuestruara

1. Shoqëria “Royal Blue” Sh.p.k, e themeluar në datë 26 Tetor 2022 me administratore dhe ortake të vetme me 100% të kuotave shtetasen M.Th. me objekt aktiviteti Bar Restorant dhe adresë Lezhë, Laç, Qarku Lezhë, Bashkia Laç, Njësia administrative Fushë-Kuqe, Fshati Patok, Pasuria nr. 1759, Zona kadastrale 1673;

2. Automjet i markës Volksëagen, modeli Golf viti i prodhimit 2020 ngjyrë e bardhë me targë, në pronësi të N. Ç.;

3. Automjet i markës Audi, modeli Q8, viti i prodhimit 2018, ngjyrë e bardhë, në pronësi të N. Ç.;

4. Automjet i markës Audi, modeli A8, viti i prodhimit 2017, ngjyrë gri e errët, në pronësi të shtetasit A. I.;

5. Automjet i markës Wolkswagen, modeli Golf, viti i prodhimit 2015, gjyrë gri, në pronësi të shoqërisë “Ayla” shpk.;

6. Mjet lundrues tip Gomone, me ngjyrë gri, me gjatësi 9 m dhe gjerësi 2.7 m, me tre motorë me ngjyrë të zezë, të markës Yamaha 350 V8;

7. Kartëmonedha të prerjes 50 euro, 200 copë, sekuestruar shtetasit A. I.;

8. Shuma monetare 35 000 (tridhjetë e pesë mijë) Euro, 500 (pesëqind) paund britanik, 50 (pesëdhjetë) franga zvicerane dhe 2 344 500 (dy milion e treqind e dyzetë e katër mijë e pesëqind) lekë, sekuestruar shtetasit N. Ç.;

9. Mjet ujor Zip, gomone me gjatësi rreth 7 metra, me 1 motorr ‘entrobord’, tip Ratox me numër M6237725, ngjyrë e zezë e vendosur në karrelin me numër ROMA86/52;

10. Mjet ujor tip gomone me ngjyrë gri me mbishkrimin AKUILA NERA SEM, me 1 motorr tip SUZUKI, me fuqi 150 hp me numër 02/0z/580020;

11. Mjet ujor tip gomone, ngjyrë e zezë me gjatësi rreth 10m me mbishkrimin “G-RS”, me 2 motor tip Suzuki me fuqi 300 hp secili me numra 3000ZP – 245968 dhe 3000ZP – 245/92.

Policia e Shtetit zbarkoi mbrëmjen e 9 tetorit 2023 në Fushë Kuqe  për ekzekutimin e 4 urdhër-arresteve të SPAK dhe përveç arrestimit të kreut të komisariatit Kurbin dhe  shpalljes në kërkim të Gëzim Çelajt, u shpallën në kërkim edhe Arben Dalipaj, nga Vlora dhe Roland Guza nga Durrësi, të cilët dyshohet se janë larguar më herët jashtë vendit. Operacioni është një vijim i atij “Flakë në Det” më 15 gusht 2023.

spak operacioni flake ne det

Sondazh

Poll

MË SHUMË